Kerrir a Rechad
◼ Kede mekerang e kaingeseu el rokui me bo el sebeched el ungil el mesuub sel dengar er a miting er a ongdibel? (Dut. 31:12)
Ngdmolech el omengull er kid el mo er a Jehovah me aike el miting el lomeskid a uchul, e kede rokui el muklatk el mo mereched el mei e mo kltmokl el mo mosisechakl er a Jehovah. Ngungil a bo dedengchokl aike el kingall el ngar er a medal, e debechei aike el kingall el ngar er a uriul el kirir tirke el obetiterir a remekekerei el ngalek me tirke el mo meoud el mei. A uchei er a lomuchel a miting, e ngungil a dekekerei a ngerel a cell phone, me a pagers, me a lmuut el bebil er a klalo me lak bo longesang er a rechad. Ngmo mekesai a mengesang er kid a lsekum e a rokui el chad a olecholt a omengull er a temel a miting.—Oli. 5:1; Fil. 2:4.
Sel lomuchel el mo er a miting a rebeches el chad, e a ngar er a ongdibel el medengelterir a sebechel el mo dengchokl el obengterir. E tiang a kmal ngar er ngii a lengesuir a lsekum e ngngar er ngii a remekekerei el ngalek el dirk osisechekill. A bisir el mei er a miting a locha beches el tekoi el kirir. A leuaisei, e te mo oba omereng el saul a lsebechir el dengchokl er a uriul me lak lsal mengesang er a rebebil a bo el kirir el mo tuobed el mo omekerreu a lousbech a remekekerei el ngelekir. (Osi. 22:6, 15) A retelungalek el ngar er ngii a remekekerei el ngelekir a ungil a lak el dengchokl er aike el ileakl el delemerab el uchul me a rengelekir di longerodech. Ngungil a lsekum a oungalek a mellach me a lechub e ngomekerreu er a rengelekel er a ikrel a basio el lengar er ngii a ongdibel e a uriul e te me soiseb.
A rumtebechel el odam a mengeluolu er sel cheltel a blil a omengull me ngdi melemolem el ungil el kirel a omengull. Te olengeseu a telungalek me a remeoud el mei el mo osiik a ungil el kingellir. Te kerekikl me a lolengeseu er a rebebil el mo osiik a ungil el kingellir e ngdiak longesang er a rekuk bebil. Te ousbech a ungil el uldasu sel losmechokl a bkaischemrungel el tekoi el duubech. A lsekum a omerellel a ngalek a mo mengesang er a rebebil, e a rumtebechel el odam a sebechir el olengeseu a lousbech a ngeso a ruungalek.
A rokui el ngar er a miting el kirel a omengull a sebechir el olengeseu el rullii a cheltel me a lechub a blekeradel er a chelsel a basio el dengar er ngii me ngungil er a omesubed el kirel a Jehovah me a moktek er ngii er a beches el beluulechad el ngar er a budech me a llemalt.