Momuchel Sel Dirk Lemekekerei

Ngkmal mechas a rengud er sel blekerdelir a rengalek el sebechir el beot el mesuub a beches el tekoi e meruul. Alta remeklou el chad a meringel er tir a mesuub er a beches el omelekoi, e ngdi a rengalek el dirk ngar er a kindergarten a sebechir el suub a teblong me a lechub e ngkldei el omelekoi er a osisiu el taem. Misei, e lak momdasu el kmo a ngelekem a kmal dirk kekerei me ngdiak el sebechel el mekeroul a ungil el blekerdelel. E le a lsekum a ngalek a mosisechakl el kirel a klemerang er a Biblia sel dirk lekekerei e melemolem er ngii, e sel bo leklou e a uldesuel a mo mui er a klemedengei el ngii a sebechel el “mekllemesii el mor cholsobel.”​—2 Ti. 3:15.