Di Teblo el Sens

A ta er a klou a ultutelel el rolel a dolengeseu aike el tekoi er a Renged a oeak sel dolenget a udoud el kirel a ureor er a berkel a klumech el meliuekl er a beluulechad el rokir. Engdi ngkuk mekerang a lsekum e ngdiak a kmal ududed?

A ta el taem e a Jesus a milsa chebuul el mellakl el dil el millenget a di teblo el sens er a blil a udoud er a templo. A bltikerreng el mo er a Jehovah a rirellii me ngngilai er a “chelsel a chelebulel el ikel bek el lolab, el rokui lousbech ra klengar er ngii el lochang.” (Mk. 12:​41-44) A Jesus el milsaod er tia el tekoi a ochotii el kmo a tengetengel a kmal mle mekreos er a osengel a Dios. Me nguaisei, a rekot el Kristiano a dimlak el omes er tia el ngerachel er a omelenget el udoud el kirel a ureor er a berkel a klumech el kmo ngdi techall el kirir a remerau el Kristiano e merekong. A apostol el Paulus a milsaod er a kerebai er a rechad er a Masedonia el tir a kmal mle chebuul engdi te mle “blak a rengrir el olengit” el kirel a “grazia ra mo dechelel chongeseu.”​—2 Ko. 8:1-4.

Me a leuaisei, e a lsekum e ngsebeched el melenget a ‘di teblo el sens,’ e lak dobes el kmo a kesai el tengetenged a sebechel el chudelii a klou el ildisel a tenget. A dolenget el ngar er a rengud e ngmo odeuir a rengul ngika el bekururau el Demad el ngar er a eanged, e le “Dios a betik a rengul er ngikel dmeu a rengul el melenget.”​—2 Ko. 9:7.