Subed

◼ Babier el bo dorous er a Ongeai el Buil: Mousbech a ngii di el 32 a llel el brochure el ngar er ngii er a ongdibel. Sel omluut el mo oldingel er tirke el mle semeriar, e mochotii a Biblia Olisechakl el babier a lsekum e ngngar er ngii, me a lechub e ng Molengesenges er a Dios Me Bo Mkiei el Mo Cherechar el babier a lsekum e ngungil el kirel, e molasem el omuchel a omesubel a Biblia. Ongetiu me a Ongeteruich el Buil: A Ongkerongel el magazine. Sel omluut el mo oldingel er tirke el mle semeriar, e mochotii a Biblia Olisechakl me a lechub e ng Molengesenges er a Dios Me Bo Mkiei el Mo Cherechar el babier a lsekum e ngungil el kirel, e molasem el omuchel a omesubel a Biblia. Ongeteruich me a Ta el Buil: Mousbech a ta er aika el tract el dai er ngii a kmo: Kau Ngsoam el Mo Medengelii a Klemerang?, Ngtecha Mera el Mengedereder er a Beluulechad?, me a lechub A Klengar el ngar er a Chelsel a Budech el Beches el Beluulechad. A lsekum e ngngar er ngii a semeriar, e mochotii a rolel a omesubel a Biblia el ousbech er a Biblia Olisechakl el babier me a lechub a Molengesenges er a Dios Me Bo Mkiei el Mo Cherechar el brochure.

◼ Ngomuchel er a Ongetiu el Buil, e tirke el odam el oldingel a ongdibel a mo oltobed er a cheldecheduch el mo er a buai el dai er ngii a kmo “A Dorael el Obengkel a Dios a Mo Uchul a Klungiaol er Chelechang el mo Cherechar.”