A Rengeasek a Oker—Ak Mekerang e Metik er a Remera el Sechelik?
A Jehovah a rirelleterir a rechad el kirir el ngar er ngii a resechelirir. (Osi. 17:17; 18:1, 24) Ngkired el mo ungil el melilt er a resechelid me bo el sebechel a klausechelei er kid el mo uchul a klungioled kid me tir. (Osi. 13:20) A uriul er a omomes er tia el video el Young People Ask—How Can I Make Real Friends?, e ngsebechem el mo onger aika el ker?
Uchelel:
(1) Ngtechang a mera el sechelid?
Tekoi el Merrob a Klausechelei:
(2) Kede mekerang e mo mesisiich er a uldasu el kmo ngdiak a resechelid? (Fil. 2:4) (3) Ngera me ngkired el meruul a blekerdeled el mo ungil, e techang a sebechel el ngosukid el meruul er tiang? (2 Ko. 13:11) (4) Ngmekerang e mo sebeched el sechelirir a rebebil?—2 Ko. 6:13.
Klausechelei el Obengkel a Dios:
(5) Kede mekerang a doleketek er a kmes el deleuill el obengkel a Jehovah, e ngera uchul me ngkired el meruul er ngii? (Psa. 34:8) (6) Sel denguu a Jehovah el mo kot el kmeed el sechelid, e ngera el ungil klausechelei a sebeched el mo olab?
Mekngit el Klausechelei:
(7) Te rua techang a mekngit el klausechelei? (1 Ko. 15:33) (8) Ngmekerang a mekngit el klausechelei e mo uchul a telemellel a deleuill er kid me a Jehovah?
A Sibai er Chelecha el Taem:
(9) Ngera ngosisecheklid er ngii a cheldecheduch el ngar er a Biblia el kirel a Dina? (Gen. 34:1, 2, 7, 19) (10) Ngmilekerang a Tara er a losaod er a klausechelei er ngii el obengterir tirke el ngeasek el diak el ngar er a klemerang? (11) Ngera el kdekudel el tekoi a blo lechelebangel er ngii a Tara e le ngulebengterir a resechelil er a skuul? (12) Ngera uchul me a rechad er a blil a Tara a dimlak lesa el kmo ngousbech a ngeso, engdi te milekerang e ngosuir el mo melisiich er a deleuill er ngii me a Jehovah? (13) Ngmilekerang a ta el odos el ngar er a mui el taem el omesiou e ulechotii el kmo ngmera el ungil sechelil a Tara? (14) Ngera el klou a ultutelel el tekoi a lesilubii a Tara?
Orokiolel:
(15) Ngera ke silubii er tia el video? (16) Ngmekerang a omousbech er tia el video el mo ngosuterir a rebebil?
Me ngkmal soad el melilt er a resechelid el tir a mo ngosukid el lomelemii a kot el ungil el klausechelei er kid el obengkel a Dios!—Psa. 15:1, 4; Isa. 41:8.