Subed

◼ Aike el bo dorous er a Ongedei me a Ongeua el Buil: A Ongkerongel el babier. Sel omluut el mo oldingel er tirke el semeriar, e mochotii a Biblia Olisechakl el babier me a lechub e ng Molengesenges er a Dios Me Bo Mkiei el Mo Cherechar el babier a lsekum e ngungil el kirel, e molasem el omuchel a omesubel a Biblia. Ongeim me a Ongelolem el Buil: Mousbech a ta er aika el tract el: Kau Ngsoam el Mo Medengelii a Klemerang? Ngtecha Mera el Mengederedel er a Beluulechad? me a lechub A Klengar el ngar er a Chelsel a Budech el Beches el Beluulechad. A lsekum e ngar er ngii a semeriar, e mochotii a rolel a dosuub el ousbech er a Biblia Olisechakl el babier me a lechub a babier el Molengesenges er a Dios Me Bo Mkiei el Mo Cherechar.

◼ A Chedaol el Blsoil a mo er ngii er a Ongeru el Ureor el March 26, 2013. A lsekum a ongdibel er kemiu a oumiting sel Ongeru el Ureor, e ngkiriu el ngodechii a temel. A lsekum e ngkirel el mo diak a Miting el kirel a Berkel a Klumech, e ngike el tebechelel a chelechad er a remechuodel a sebechel el ngodechii a schedule, me bo el sebechel aike el cheldecheduch el lousbech a ongdibel el mo soadel er a chelsel sel buil. Aike el ongdibel el ngar er ngii a odngelel ngike el odam el oldingel a ongdibel a kirir el mo ngodechii a temel a miting er tir a lsekum e te oumiting sel Ongeru el Ureor.