Kau Ke Blechoel el Omes er a Information Board?

A remechuodel, me a remesiou er a ongdibel, me a rebebil el ngar er ngii a ngerechelir er a ongdibel a blechoel el mo omes aike el ngerechelir er a information board. Me nguaisei engdi a rokui el ngar er a ongdibel a sebechir el metik a meklou a ultutelel el tekoi el ngar er a information board. Ke medengei el kmo ngoingerang e kede mengetmokl er a blil a ongdibel? A branch obis me a lechub e ngike el odam el oldingel a ongdibel ngmla odurokl a babier el mei er a ongdibel? Ke medengelii a dai er a cheldecheduch el mo er a buai er chelecha el sandei me ngsebechem el mo ouchais er a chad el mosuub a Biblia el obengkel? Ngar er ngii a omeldechel a temel a miting me a lechub e ng group er kau er a odingel? A betok er aika el tekoi a mla mo diak losubed sel letemel a miting, e a remechuodel a locha mo diak el sebechir el ouchais er a rokui el chad el kirel aika el subed. Me a leuaisei, e ngkired el blechoel el mo omes er a information board el kirel a subed. A lsekum e kede blechoel el meruul el uaisei, e a rokui el tekoi a mo “ungilbesul e ulengeasek a blekerdelel.”​—1 Ko. 14:40.