Omelekl a Suobel er a Skuul el Kirel a Urerel a Dios

Ngera uchul me a omellach el ngar er a Exodus 23:2 a kmal klou a ultutelel sel dolilt a tekoi er a omilil me a ongelaod? [May 5, w11 7/1 9-10 el llel par. 3-7]

Ngera mle belkul sel llach el kmo ngdiak molengoes a ngeasek el kaming er a osechel a tul a delal? (Exo. 23:19) [May 5, w04 3/1 31 el llel par. 2]

Ngera uchul me a Aron a dimlak lobals el kirel a omerellel a kolt el ngelekel a kerebou? (Exo. 32:1-8, 25-35) [May 19, w04 3/1 31 el llel par. 4]

Ngmekerang e a lodengelii a osengel a Jehovah el kirel a klengit a omekerreu er a rechedal? (Exo. 34:5-7) [May 26, w05 9/1 10-11 el llel par. 18-19]

Ngera uchul me sel dilubech er a klengar er a Besalel me a Oholiab a kmal melisiich er kid? (Exo. 35:30-35) [May 26, w10 9/1 13 el llel par. 13]

A “chedaol el olangch er a telbilel a reng” el ngar er a lkungel a ngar er a bab el prist er a Israel a ulemeklatk el kirel a ngerang, e tiang ngera ngosisecheklid el kirel a telbilel a reng? (Exo. 39:30, NW) [June 2, w01 5/1 24 el llel par. 2-3]

Ngera el ngerachel a lobang a rokui el Kristiano el ouchais a oberaod el kngtil a kldemel el Kristiano? (Lev. 5:1) [June 9, w12 2/1 27 el llel par. 15]

Ngera el klou a ultutelel el tekoi a mileketmokl el okiu a tenget er a budech er sel taem er a Israel e ngera belkul sel tenget el kired er chelechang? (Lev. 7:31-33) [June 16, w12 1/1 21 el llel par. 11-12]

Ngera mle uldimukl er a kngterir a rengelekel a Aron el Nadab me a Abihu, e ngerang a klubeled el dengai er tia el cheldecheduch? (Lev. 10:1, 2, 9) [June 23, w04 6/1 28 el llel par. 6-8]

Ngera me a taem er a cheroll a rullii a redil el mo “diak le klikiid”? (Lev. 12:2, 5) [June 23, w04 6/1 29 el llel par. 2]