A Rolel a Domuchel a Cheldechedechad

A Ongkerongel August 1

“Aki di mle oldingel el somam el ngosuterir a rechad el mo outekangel er a mondai el kid el rokui a chelebangel er ngii. A ta er a kot el meringel el tekoi el kired el outekangel er ngii a kodellel a betik er a rengud. Kau ke kongei er tiang? [Mongiil er a nger er ngii.] Ka momtab er tia el telbiil er a Biblia el sebechel melisiich er kid. [Monguiu er a Ocholt 21:3, 4.] A Biblia a meskid a omelatk el kmo a ta er a klebesei e a rebetik er a rengud a mo mekiis er a kodall. Tia el babier a mo mesaod er a rolel e ngmo er ngii tia el tekoi.”

Ungil Chais el Mla er a Dios!

“Ak di mle oldingel el soak el ochotii er kau a telbilel a Dios el kirel a klechad er a ngar medad el klebesei. Ngmla ta el molatk el kmo a Dios ngmo okngemed a rokui el ringel me a lechub e ngdiak? [Mongiil er a nger er ngii.] Tia el babier a ochotii a nger er tia el ker el ngar er a Biblia. [Bsang a babier, e mchiuii a kot el parakurab er a suobel 1, me a Jeremia 29:11.] Me chelechang e ke oumerang el kmo a Dios a soal a bo lungil a klengar er kid er a ngar medad el klebesei? [Mongiil er a nger er ngii.] A lsoam, e ngsebechem el nguu tiang me ngbabilengem. Sel kluut el mei, e ngsebeched el mo mesaod er a ongeru el parakurab me bo dodengelii a nger er a Biblia el kirel a ker el kmo, ‘Ngmekerang a Dios e mo okngemed a rokui el ringel?’” A lsekum a chad er a blai a kora diak el mechesang sel omkot el oldingel er ngii, e ngsebechem el chiuii e smodii a ongeru el parakurab me aike el kldei el bades. Mketmeklii a taem el mluut el mong el mo mesaod er a ongeru el ker er sel suobel.