February 29–March 6
ESTHER 1-5
Chelitakl 3 me a Nglunguuch
Omesodel a Miting (Diak el bo el engelakl er a 3 el bung)
MEKREOS EL TEKOI EL NGAR ER A BIBLIA
“A Esther a Milsebechakl er a Rechedal a Dios”: (10 el bung)
[Morellii a Introduction to Esther el video.]
Est 3:5-9—A Haman a millasem el olekngemed er a rechedal a Dios (ia-E 131 par. 18-19)
Est 4:11–5:2—A klaumerang er a Esther a kuk mle mesisiich er a dektel el kirel a kodall (ia-E 125 par. 2; 134 par. 24-26)
Morriter er a Tekingel a Dios: (8 el bung)
Est 2:15—Ngmilekerang a Esther e olecholt er a klengariourreng me a omengerem? (w06 3/1 30 par. 5)
Est 3:2-4—Ngera uchul me a Mordekai a dimlak el kengei el outubuach el osus er a Haman? (ia-E 131 par. 18)
Ngerang ngosisecheklak a omengiuel a Biblia er chelecha el sandei el kirel a Jehovah?
Ngera el tekoi a mlengai er a omengiuel a Biblia er chelecha el sandei a sebechek el ousbech sel kuldingel a obliil?
Omengiuel a Biblia: Est 1:1-15 (Diak el bo el engelakl er a 4 el bung)
MOLTAUT ER NGII ER A OMESIUNGEM
Sel Dekot el Mengedecheduch er a Chad: (Diak el bo el engelakl er a 2 el bung) Morous er a Molengesenges er a Dios Me Bo Mkiei el Mo Cherechar el babier. E mketmeklii a rolel e ngmo sebechem el lmuut el mo oldingel er ngii el chad.
Lmuut el Mo Oldingel er a Chad el Semeriar: (Diak el bo el engelakl er a 4 el bung) Mochotii a rolel a deluut el mo oldingel er a chad el semeriar el kilengei el nguu a Molengesenges er a Dios Me Bo Mkiei el Mo Cherechar el babier, e mosaod er a 2-3 el llel. E mketmeklii a rolel e ngmo sebechem el lmuut el mo oldingel er ngii el chad.
Mesuub a Biblia el Obengkel a Chad: (Diak el bo el engelakl er a 6 el bung) A lsekum a chad er a blai a kilengei el nguu a Molengesenges er a Dios Me Bo Mkiei el Mo Cherechar el babier er sera omkot el mengedecheduch er ngii, e mochotii a rolel a dosuub a Biblia el obengkel el ousbech er a 4-5 el llel. (km 7/12 3 par. 4)
MKIEI EL UA KLENGAR ER A REKRISTIANO
Aike el lousbech a ongdibel: (10 el bung)
Ngua Ngera Uldesuem el Kirel Tia el Beches el Teletelel a Miting er Kid Me Tia el Babier el Dosuub er Ngii?: (5 el bung) Omesaod. Molengit er a rechad er a ongdibel me louchais el kirel a klungiaol el bla lengai er tia el beches el teletelel a miting er kid. Molisiich er a rokui el chad el mo ungil mengetmokl er tir el kirel tia el miting me bo el sebechir el mo ngmai a mui el klungiolir er ngii.
Omesubel a Biblia el Ongdibel: bh bliongel 1 par. 14-17, bebil er a omesodel er a 225-227 el llel (30 el bung)
Omelekl a Desiluub e Mesaod a Bo Dosuub er a Ongingil el Sandei (3 el bung)
Chelitakl 149 me a Nglunguuch