Lmuut el Mo Ungil a Duch er Kid el Ngar er a Omesiunged​—Melisiich er a Rengul a Chad el Ousbech er a ‘Molemolem el Ngar er a Bltikerreng er a Dios’ el Babier

A UCHUL ME NGKLOU A ULTUTELEL: A rechad a kirir el mesuub a llechul a Jehovah e mo oltirakl me bo el sebechir el mo ungil mesiou er ngii. (Isa 2:3, 4) A “Bltikerreng er a Dios” el babier, el ongeru el babier el dosuub er ngii el obengkel a chad, a ngosuir el mo omtab a rolel e a omellach er a Dios a ngar er ngii a lerellii er a klengar er a bek el sils. (Heb 5:14) Ngkmal kired el melasem el melisiich er a rengul a chad sel dolisechakl er ngii, me bo el sebechel el melodech er a klengar er ngii el ngar er a melemalt el rolel.​—Rom 6:17.

ROLEL A MORUUL ER NGII:

• Bo mungil kltmokl, e molatk aike el lousbech. Moker a ker el ngii a mo ngosukau el mo medengelii a uldesuel el kirel a tekoi el mosaod er ngii.​—Osi 20:5; be-E 259

• Mousbech aike el baks el ngar er a chelsel tia el babier el mo ngosuir el mo mesa klungiolel a loltaut a omellach er a Biblia

• Mngesuir el mo meduch el melilt a tekoi el ousbech er a ukltkel, engdi ngdiak molilt a tekoi el kirel.​—Gal 6:5

• Bo modengelii el kmo ngdirk ousbech a ngeso el mo oltaut a bebil er a omellach er a Biblia, e molisiich er ngii el mo melodech a tekoi er a klengar er ngii el bltkil a rengul er a Jehovah a uchul.​—Osi 27:11; Jn 14:31