A Omeltkiu Le Rellemiu Me Di Ledeu a Rengmiu

A omelatk a di uai a okud. (Heb 6:19) Ngosukid me lak bo el mechitechut a klaumerang er kid sel bo dechelebangel a ringel. (1Ti 1:18, 19) Aika el ringel a uldimukl er ngii a kngtil a rengud, ke doriid a klokled, ngsechered, ngkodellel a betik er a rengud, me a ngii di el tekoi el sebechel tomellii a blakerreng er kid.

A klaumerang er kid me a omelatk el dobang a ngosukid me ngsebechel mo bleketakl er a uldesued a omeksaul el bo denguu. (2Ko 4:16-18; Heb 11:13, 26, 27) Sei a uchul, me a doba omelatk el mo er a eanged me a lechub e kede mo kiei er tia el chutem, e ngkired el mo blechoel el melebedebek el kirel a telbiil el ngar er a Tekingel a Dios. E seikid e sel bo decharm a ringel, e ngsebeched el melemolem el dmeu a rengud.​—1Pe 1:6, 7.

MOMES ER A VIDEO EL REJOICE IN THE HOPE, E MONGER AIKA EL KER:

• Ngera uchul me a Moses a ungil kerebai el kired?

• Ngera ngerechelir tirke el bdelul a delengchokl?

• Ngera sebechiu el mesaod er a temel a Omengull el Telungalek?

• Ngmekerang a omelatk e ngosukau el mo chelebangel a ringel el oba ulterekokl el reng?

• Ngera komes el beduluchei el kirel?