MEKREOS EL TEKOI EL NGAR ER A BIBLIA | JEREMIA 51-52
A Tekingel a Jehovah el Rokui a Mo Tmaut
A Jehovah a mle bleketakl a omesodel er aike el mo er ngii el tekoi
“Mdorm a belechiu”
51:11, 28
A rechad er a Media me a Persia a kmal mle semmong er a usbechel a balech e tia kmal mle klou a ultutelel el dongu er tir er a mekemad. Te mirrorem a kelel a belchir me bo el sebechel el tmuu el ngmoech er a chad.
“A re soldau er a Babilon a dikea loumekemad”
51:30
A The Nabonidus Chronicle a melekoi el kmo: “A resoldau er a Sairus a di siliseb er a Babilon el dimlak loumekemad.” E tiang a oltirakl er a ulochel a Jeremia.
“A Babilon a di mo bliou el ulemeongel [e] mo cheloit el mo cherechar”
51:37, 62
Ngulemuchel er a 539 B.C.E., e a klebkellel a Babilon a mirrael el mo diak. A Alexander the Great a mle soal el meruul er a Babilon el mo capital er a rengedel, engdi ngdi mle mereched el mad. Me ngngar er a uchelel a taem er a Klekristiano, e te mla er ngii a Rechijudea el kiliei er a Babilon a uchul me a apostol el Petrus a mlo oldingel er tir. Engdi sera rak er a 300 C.E., e ngmlo cheloit e mlo diak el beluu.