Ngera Me Ke Omes er a Bliochel el Omengull el Kmal Klou a Ultutelel?

A ues el lilsang a Esekiel el kirel a templo a millisiich er a reblebaol el Chijudea e le ngmilsterir a omelatk el kmo, a bliochel el omengull a lmuut el mo meteketek. Chelecha el uriul el sils, e a bliochel el omengull a ‘kot el metongakl er a rokuil rois’ e kid a uldimukl er tirke el mo er ngii. (Isa 2:2) Kau ke blechoel el melebedebek el kirel a techall el mobang el mla mo medengelii a Jehovah e mesiou er Ngii?

KLENGELTENGAT EL MO ER NGII EL OKIU A BLIOCHEL EL OMENGULL:

• Betok el kall er a klereng el onger a meklou a ultutelel el ker el kirel a klengar, e dirrek el meskid a ulekrael me a ulterekokl el omelatk.​—Isa 48:17, 18; 65:13; Rom 15:4

• A klodam er a beluulechad el rokir.​—Psa 133:1; Jn 13:35

• A techall el sebeched el mo kldemel a Dios er a ureor.​—Rel 20:35; 1Ko 3:9

• “Budech er a Dios” el melisiich er kid sel dechelebangel a ringel.​—Fil 4:6, 7

• A klikiid el uklatk.​—2Ti 1:3, BT

• Mo kmeed el ‘sechelil’ a Jehovah.​—Psa 25:14

Ngoeak a ngera el rolel e ngsebechek el ochotii el kmo, a kumes er a bliochel el omengull el kmal klou a ultutelel?