Rolel e Ngsebechem el Mo Ungil el Mesuub a Bades

Ngsoam el mo uai a Daniel el mle sebechel el lomelemii a blakerreng er ngii er a chelsel a meringel el blekeradel? A Daniel a kmal mle blak a rengul el mesuub er a Tekingel a Dios, el uldimukl a dmolech el ulaoch. (Dan 9:2) Me a ungil el omesubem er a Biblia a dirrek el sebechel el ngosukau el lomelemii a blakerreng er kau. Ngoeak a ngera el rolel? Ngsebechel el smisichii a klaumerang er kau el kirel a otutel a telbilel a Jehovah. (Jos 23:14) E dirrek el rullau el lmuut el mo betik a rengum er a Dios, e tia mo ngosukau el mo meruul a llemalt. (Psa 97:10) Engdi ke mo mesuub a ngerang? Ka momtab aika el tekoi.

• Ngera sebechek el mesuub? A ungil el omesubed a uldimukl er sel dongetmokl er kid el kirel aike el miting er a ongdibel. Ngsebeched el ngmai a klungioled er a omengiuel a Biblia el ongdibel sel dongoit a taem el meruul a research el kirel aike el tekoi el ngar er a bades el diak dodengei. A rebebil a dirrek el mesuub el kirel a betok el ulaoch er a Biblia, ngomesodel a rodech er a reng, ngomerollel a Paulus er a losiou el missionari, me a lechub a blebelel a Jehovah. Me a lsekum e ke medesuii a ker er a Biblia el soam el mo medengelii a omesodel, e ngsebechem el luchesii e mo mesuub er ngii er sel ongingil taem el bo mosuub.

• Ak mo metik a omesodel er ker? Momes er a video el Research Tools for Discovering Spiritual Treasures el kirel a bebil er a tekoi el sebechem el meruul. A lsoam el mo medengei el kmo ke meduch el osiik a omesodel a bades, e ngsebechem el research el kirel aike el kakerous el renged er a beluulechad el losaod er ngii a Daniel er a 7 el bliongel.

• Ngua klungel a ngera el taem el kirek el mesuub? A deblechoel el mesuub e ngsmisichii a klaumerang er kid. Ngsebechem el lomuchel el mengoit a telkib el taem el mesuub e mekekokau el menglou er a temem el mesuub. A omesubel a Tekingel a Dios a di ua dongiis el osiik a mekreos el klalo; sel debetik a betok el mekreos el klalo, engdi mo soad el di mengiis! (Osi 2:3-6) Me ngdi osisiu, ngkmal mo soam el mesuub er a Tekingel a Dios, me a omesubel a Biblia a mo klengar er kau.​—1Pe 2:2.

AIKE EL CHARM EL NGAR ER A 7 EL BLIONGEL ER A DANIEL, NGOMTECHEI A NGERANG?

• Dan 7:4

• Dan 7:5

• Dan 7:6

• Dan 7:7

LMUUT EL TA ER A KER:

Ngmilekera tmaut a Daniel 7:8, 24?

ONGINGIL EL TEKOI EL SOAK EL MESUUB EL KIREL:

Aike el charm el ngar er a 13 el bliongel er a Ocholt, ngomtechei a ngerang?