A Ues el Sebechel Smisichii a Klaumerang er Kid

9:1-7

Ka molatk er a uldesuel a Jesus er sel taem er a lemengodech a teletelel, e lorrenges er a Demal el ngar er a eanged el melekoi el kmo Ngkmal betik a rengul er ngii. Tia ulterekokl el kmal silisichii a Jesus e le ngkmedu el mo chormii a klou el ringel. Tia el ues a dirrek el mle klou a lerellii er a Petrus me a Jakobus me a Johanes. A Jesus a ngike el Mesias, me ngmle melemalt el tekoi a lorrenges er ngii. A bekord el 32 el rak er a uriul, e a Petrus a dirk millatk er tia el tekoi el dilubech me sel rolel e ngrirellii el mengal mlo ultebechel er a rengul a “klumech el luluuchais a re profet.”​—2Pe 1:16-19.

Me alta ngdimlak desa tia el mengasireng el ues, engdi kede omes a otutel. Chelechang e a Jesus a mengedereder el mesisiich el King. E di kmedung e ngmo merek el “oumekemad el . . . melabeluu,” el mekengii a rael el mora beches el beluulechad el mui er a llemalt.​—Och 6:2.

Ngmekera lmuut el mo mesisiich a klaumerang er kau lokiu sel momes a otutel a ulaoch er a Biblia?