Remember the Wife of Lot

Ngera uchul me a bechil a Lot a chilsngekl el beduluriul er sera lechiis el tuobed er a Sodom? A Biblia a diak losaod er tiang. (Gen 19:17, 26) A uleklatk er a Jesus a ochotii el kmo nglocha mlo oureng aike el kloklel el lebilechei er tia el beluu. (Lk 17:31, 32) Me kede mekera e diak bo deua bechil a Lot el urridii a kengei er a Dios? Ngdiak el kired el mechei a urunguled el kirel a tekoi er a kerruul el mo kot el klou a ultutelel el tekoi er a klengar er kid. (Mt 6:33) A Jesus a ulisechakl el kmo ngdiak el ‘sebeched el siungii a Dios ma kerruul.’ (Mt 6:24, BT) Me kede mo mekerang a lsekum kede melechesuar el kmo a tekoi er a kerruul a mla mo mengesang er kid me ngdikea dolatk a tekoi er a klereng? Ngsebeched el meluluuch el mora Jehovah el olengit er a sekutaberreng me bo dodengei el kmo ngera kired el melodech el tekoi e dirrek el olengit er a blekeu me a klisiich el mo sebeched el ngmodech aika el tekoi.

MOLATK AIKE EL EDEI EL ULECHEUECH EL VIDEO EL REMEMBER THE WIFE OF LOT, E MONGER AIKA EL KER:

• Ngmilekera orrimel el mo mengereker a betok el udoud e milengesuseu er a uldesuel, me a cheldechedechal, me a omerellel a Gloria?

• Ngmekera bechil a Lot e ungil uleklatk el kired er chelechang?

• Ngmilekera otutel a omellach er a Biblia e ngilsuir a Joe me a telungalek er ngii?

• Te milekera resechelil a Anna er a ureor e milengitechut er a deleuill er ngii me a Jehovah?

• Ngera uchul me kede ousbech er a blekeu er sel taem el demorimel el mo nguu a udoud el mo kot er a klengar er kid?

• Ngmilekera Brian me a Gloria e liluut el nguu a tekoi er a klereng el mo kot er a klengar er tir?

• Ngera el omellach er a Biblia a mle sebechem el mes el mocholt er tia el video?