Lmuut el Mo Ungil a Duch er Kid el Ngar er a Omesiunged​—Rolel a Dousbech er a JW.ORG

A UCHUL ME NGKLOU A ULTUTELEL: A bek el babier el ngar er a Blil a Dongu er kid a ngoikid el mora jw.org. A moktek er a contact card me a tract el Kede Mo er Ker e Metik a Nger er a Meklou a Ultutelel el Ker el Kirel a Klengar a omekrael er a rechad el mora website er kid. Ngsebechem el merous a babier el ngar er a Blil a Dongu er kid el oeak sel mousbech er a jw.org el e-mail er a electronic copy me a lechub e ke share er a link. E tia kmal klou a lengesuir sel mousioning el mora chad el melekoi er a ta er a omelekoi. A rechad a dirrek el sebechir el mo oker a ker el diak debetik a nger er ngii er aike el babier el ngar er a Blil a Dongu er kid. Me a lsekum e kede meduch el ousbech er a jw.org, e ngmo sebeched el ungil kutmeklii a omesiunged.

ROLEL A MORUUL ER NGII:

• Mousbech er a tab el “BIBLE TEACHINGS.” A lsekum e ke ousioning el mora chad el oungalek el soal a betok el omesodel a tekoi er a okurulir a rengalek, e bo er a BIBLE TEACHINGS > MARRIAGE & FAMILY.

• Mousbech er a tab el “BABIER.” A lsekum e ke ousioning el mora ngalek el omdak el skuul e soam el share er a brochure el Nger er a 10 el Ker el Kerrir a Rengeasek, e bo er a BABIER > BOOK ME A BROCHURE.

• Mousbech er a tab el “ABOUT US.” A lsekum e ke ousioning el mora chad el omdak el oureor el soal el mo medengelii a telkib el omesodel a klaumerang er kid, e bo er a ABOUT US > FREQUENTLY ASKED QUESTIONS.

MOMES ER A VIDEO EL ROLEL A DOUSBECH ER A JW.ORG, E MOSAOD EL KMO KE MORA KESKELEL A WEBSITE E NGOSUIR:

• a chad el diak loumerang er a Dios

• a chad el dirk chirremii a klou el chelebuul

• a odam me a lechub e ngodos el mla mo diak loldingel

• a chad el semeriar e soal el mo medengei el kmo kede ngmai a udoud er ker el orrurt er tia el urered

• a chad er a ta er a beluu el soal el mora miting er a belual