“A Rechad er a Beluulechad a Di Mle Ta Omelekingir”

11:1-4, 6-9

Ngar a Babel, e a Jehovah a tirreklterir a redimlak lolengesenges el chad lokiu sera lolodech a omelekingir. Chelecha el taem, e ngmengudel er a kloul seked er a rechad er a rokui el beluu me a omelekoi e olisechakl er tir er a “bliochel el omelekoi” el rulleterir el mo ‘sebechir el omekedong er a ngklel a Jehovah, e kaukledem el mesiou er ngii.’ (Sef 3:9; Och 7:9) Tia el “bliochel el omelekoi” a klemerang el tekoi el kirel a Jehovah me a moktek er ngii el debetik er a Bades.

A omesubel a beches el omelekoi a diak di sel bo dodengei a beches el tekoi. Ngdirrek el kired el mesuub a beches el rolel a domdasu a tekoi. Me ngdi osisiu, a cherengel a taem el dosuub er a bliochel el omelekoi el ngii a klemerang, e ngmengodech a uldesued. (Rom 12:2) E tia el blekeradel a melemolem el uchul me ngar ngii a kltarreng er a delongelir a rechedal a Dios.​—1Ko 1:10.