Bo Mua Josef​—Mchiis er a Deleboes

A Josef a ungil kerebai el kired a lsekum kede mekesuseu el mora deleboes. Bek el taem el bechil a mastang er ngii a milengesuseu er ngii, e ngdimlak lekengei er ngii. (Gen 39:7-10) Ngdilu el kmo: “Ng mekera e sebechek el mo meruul er cho ua tial mekngit el tekoi e mor a klengit el omtok er a Dios?” el ochotii el kmo ngmle medengelii a uldesuel a Jehovah el kirel a durs er a chebechiil. Me sera bo lechetituokel a blekeradel, e ngchiliis me ngdimlak lebsa techellel ngika el redil me lerellii el mo ruebet er a klengit.​—Gen 39:12; 1Ko 6:18.

MOMES ER A VIDEO EL FLEE FROM IMMORALITY, E MONGER AIKA EL KER:

• 

  Ngera el blekeradel a blo lechelebangel a Jin?

• 

  Ngera el ker a lullatk a Jin er sel taem el Mee-Kyong a ullengit a ngeso el kirel a subelel er a math?

• Ngmlo uangera uldesuel a Jin er tia el ongtil a Mee-Kyong?

• 

  Ngmilekera Jin e ngmai a ngeso?

• 

  Ngmilekera Jin e chemiis er a deleboes?

• Ngera ke siluubii er tia el video?