Ngera Sebechem el Suub er Tirke el Mla Mesiou er a Jehovah el Betok el Rak?

Ngar er a chelsel aika el ongdibel er kid e kede metik er a rudam me a rudos el mla mesiou er a Jehovah el betok el rak. Ngsebeched el ngmai a klubeled er a rolel a lultuil er a Jehovah. Ngsebeched el oker er tir er a reksi er a cheldebechelel a Jehovah me a dirrek el omelsemai el Jehovah a ngilsuterir el mo mesisiich er ngii. Ngsebeched el olengit er a ta er tir el me teloi er a Temel a Omengull el Telungalek er kid e ouchais a ungil experience er tir.

A lsekum e kau a ta er a Kristiano el mla mesiou er a Jehovah el betok el rak, e mouchais er a remekekerei el kirel a rolel e a Jehovah a mla ngosukau. A Jakob me a Josef a uluuchais er a remekekerei el chedal a telungalek er tir a experience er tir. (Gen 48:21, 22; 50:24, 25) A uriul e a Jehovah dilu er a rebdelul a telungalek el mo olisechakl er a rengelekir el kirel a mengasireng el omerellel. (Dut 4:9, 10; Psa 78:4-7) Chelecha el taem e a ruungalek me a rechedal a ongdibel a sebechir el ouchais er aika el merael el mei el telecheroll er aike el bla leues el mengasireng el omerellel a Jehovah el bla leketmokl loeak a cheldebechelel.

MOMES ER A VIDEO EL MAINTAINING UNITY UNDER BAN, E MOKER AIKA EL KER:

• Ngmilekera branch er a Austria e ngosuterir a rudam er kid el ngar aike el bebil er a beluu el diak el sebechir el mimokl el mesiou er a Jehovah?

• Ngmilekera rudam el ngar aika el beluu e melemolem el mesisiich a klaumerang er tir?

• Ngera uchul me a rebetok el publisher er a beluu er a Romania a mlo cheroid er a cheldebechelel a Jehovah, e ngera ngilsuterir el lmuut el mei?

• Ngmekera aika el experience e melisiich er a klaumerang er kau?