Ngsebechem el Melenget a Temem me a Klisichel a Bedengem?

Ngsebeched el mesa el kmo a meues el cheldebechelel a Jehovah a di meleketek, el ua lulemlaoch a profet Isaia. (Isa 54:2) Sei a uchul me kede ousbech lomekedechor a beches el Blil a Ongdibel, Assembly Hall, me a branch office. Me aika el basio el kirel omengull sel bo el dechor e ngkired el maintain, e a cherengel a taem e nglocha kired el mo omekbeches. Ngera el techall a mo er ngii el mo melenget a temed me a klisichel a bedenged el mora Jehovah?

• Ngsebeched el olengeseu sel bo el temel a group er kid er a odingel el mengetmokl er a Blil a Ongdibel

• Ngsebeched el volunteer el mo melai a training el kirel a maintenance er a Blil a Ongdibel

• Ngsebeched el lemuches a Local Design/Construction Volunteer Application (DC-50) e mo olengeseu a ureor el omekedechor me a ureor er a maintenance er aike el basio el kmeed er kid

• Ngsebeched el lemuches a Application for Volunteer Program (A-19) e mo olengeseu er a Bethel el ngar cheungel a branch territory er kid me a lechub e ngkuk ta er a branch, el ta el sandei me a lechub e nglmuut el kemanget el taem

MOMES ER A VIDEO EL A NEW CONSTRUCTION PROJECT IS BEING PLANNED​—EXCERPT, E MONGER AIKA EL KER:

• Ngera el klou el ngelsecheklel a usbechel a video a ngar er ngii er chelechang, el ulemuchel er a 2014?

• Ngera el ureor a mla metib el kirel oketmeklel aika el video el kirel a omengull er kid, e tiang ngomuchel e mo merek er oingerang?

• Te mekera re volunteer e olengeseu el kirel tia el ureor?

• A lsekum e ngsoad el olengeseu el kirel a ureor el mo er ngii er a Ramapo, e ngera uchul me ngkired el llemuches a application (DC-50) er kid e mo olengeseu er aike el ureor er a Local Design/Construction el kmeed er kid?

• Ngera ochotii el kmo a Jehovah a “omekrael” er tia el ureor?

• Kede mekera e olengeseu el kirel tia lureor a lsekum e ngdiak el sebeched el mo olengeseu er a okedecherul?