Ilmokl er a Ngar Medad el Taem, el Dios me a Kristus a Uchul

Ngera el omelsemai a omchelebangel er a bek sils? Kau ke bdelul a telungalek el betok a ngerechelem? Me a lechub e ngdi kau el tang el melasem el mesiou er a telungalek er kau? Ke ngeasek el rengalek er a skuul a bully er kau? Ngar ngii a secherem me a lechub e ke chelebangel a ringelel a cheluodel? Kede rokui el ngar ngii a dechelebangel. Te betok el Kristiano a chelebangel a betok er aika el omelsemai. Me nguaisei, engdi kede medengei el kmo ngdi kmedung e kede mo mimokl er aika el omelsemai.​—2Ko 4:16-18.

Me chelecha el dongiil er seikid el taem, e ngsebechel mo mechelaod a rengud el kmo, a Jehovah a medengei a omelsemai el dechelebangel, ngdirrek el oba omereng el saul le kid el blak a rengud e melemolem el outekangel, e ngii a mo meskid a betok el klengeltengat er a ngar medad. (Jer 29:11, 12) A Jesus me ngdirrek el kmal semeriar er kid. Ngtilbir el kmo sel doruul a ngerecheled el Kristiano e ng ‘mo obengked.’ (Mt 28:20) Me sel bo dechelellakl e dolebedebek el kirel a ilmokl el bo denguu el ngar cheungel a Rengedel a Dios, e kede smisichii a omeltked me a ducherreng er kid el mo melemolem loutekangel a omelsemai el dechelebangel er chelecha el taem.​—Rom 8:19-21.

MOMES ER A VIDEO EL AS THE STORM APPROACHES, MAINTAIN YOUR FOCUS ON JESUS!​—FUTURE KINGDOM BLESSINGS, E MONGER AIKA EL KER:

• Te milekera rechad e mo cheroid er a Dios, e ngera mlo rsel?

• Ngera el klengar a medechel el kirir tirke el oba blakerreng el mora Jehovah?

• Ngmekera e sebechel meketmokl a omelatk el dobang?

• Ngera el klengeltengat er a beches el blekeradel a omomes el beduluchei el kirel?