Momes er a Remeklou el Redil el Ua Le Delam me a Remekekerei el Redil el Ua Le Ochedam

A Biblia mengelechel er kid el mo omes er a remeklou el Kristiano el mo ua le delad me a demad e omes er a remekekerei el ua le ochedad. (Monguiu er a 1 Timothy 5:1, 2.) A rudam a ileakl el kirir el olecholt a omengull el mora rudos.

A odam a kmal diak el kirel meruul er a ulengemechel me a lechub e lerellii a odos el mo metacherbesul. (Job 31:1) A mesobil odam a diak el kirel rullii a mesobil el odos el mo omdasu el kmo ngosiik er ngii a lak er a uldesuel a meruul uaisei.

A remechuodel a kirir el mo ungil er a rudos el tir oba omengull el oker a ker me a lechub e te ouchais er tir el kirel a tekoi el kirir kutmeklii. A remechuodel a dirrek el kirir el kerekikl el omekerreu er a rudos el diak a rebecherir.​—Rut 2:8, 9.

MOMES ER A VIDEO EL DISPLAY UNFAILING LOVE IN THE CONGREGATION​—TO WIDOWS AND THE FATHERLESS, E MONGER AIKA EL KER:

• 

  Te milekera rechad er a ongdibel e olecholt er a bltikerreng el mora Sister Myint?

• 

  Ngmilekera bltikerreng el lullechotii a rechad er a ongdibel e mo uchul a ungil sioning?

• 

  A bltikerreng el lullechotii a rechad er a ongdibel ngera ngrirellii el mora rengelekel a Sister Myint?

Ngera bebil er a rolel e ngsebechem el olecholt a bltikerreng el mora rudos er a ongdibel?