Mekera Rudos e Sebechir el Menglou er a Omesiungir?

A rudos a kmal betok a loruul el lolengeseu er a ureor er a Renged. (Psa 68:11) Rebetok er tirke el mesuub a Biblia er a beluulechad er rokir a mesuub lobengterir a rudos. E a klou el ildois er a re regular pioneer er a beluulechad el rokir a rudos. Me a rebetok el telael er tir a mesiou er a Bethel, missionari, oureor lomekedechor, me a oureor loleiuid. Te dirrek el melisiich er a telungalek er tir me a ongdibel. (Osi 14:1) Alta ngdiak el sebechir el mo ta er a remechuodel me a lechub e ng ministerial servant, engdi ngar ngii a turrekong el sebechir el meruul. A lsekum e ke ta er a odos, e ngera bebil er a rolel e ngsebechem el menglou er a omesiungem?

• Momekeroul a blekerdelir a Rekristiano.​—1Ti 3:11; 1Pe 3:3-6

• Molengeseu er a rudos er a ongdibel el dirk kekerei a experience er tir.​—Tit 2:3-5

• Monglou er a temem me a duch er kau el omerk er a klumech

• Msubii a kuk ta er a omelekoi

• Molukl el mora basio el ousbech a ngeso

• Apply el mo oureor er a Bethel me a lechub ke olengeseu a ureor el omekedechor a basio er omengull

• Apply el mora Skuul el Kirir a Rumerk er a Rengedel a Dios

MOMES ER A VIDEO EL “WOMEN WHO ARE WORKING HARD IN THE LORD,” E MONGER AIKA EL KER:

• Ngmilekera tekingir tirka el odos e melisiich er kau?