Mokurulii a Klaumerang er Kau er a Klisichel a Jehovah el Olsobel

Monguiu er a Ulecherangel 13:25–14:4 e mesa rolel e a rechad er a Israel a dimlak loumerang el ulsirs er a Jehovah.

Morriter er a cheldecheduch el rokir. Ngera uchul me ngmle kirir a rechad er a Israel el oumerang el kmo a Jehovah sebechel losobelterir? (Psa. 78:​12-16, 43-53) Ngera rirelleterir el mo diak loumerang el ulsirs er a Jehovah? (Dut. 1:​26-28) Ngmilekera Josua me a Kaleb e ochotii el kmo te uluumerang el ulsirs er a Jehovah?—Ule. 14:​6-9.

Bom dmolech el merriter. Ngera mle sebechir a rechad er a Israel el meruul er ngii el mo menglou er a klaumerang er tir er a Jehovah? (Psa. 9:10; 22:4; 78:11) Ngmekera klaumerang er kid er a Jehovah e ulekuak er a olecholt er a omengull el mo er ngii?—Ule. 14:11.

Klubelem er ngii. Di lekau el oker:

• ‘Ngera el blekeradel a mo melasem er a klaumerang er ngak er a Jehovah me ngmo diak kuumerang el ulsirs er ngii?’

• ‘Ngmekera kulisiich er a klaumerang er ngak el ulsirs er a Jehovah er chelechang me a ngar medak el taem?’

• ‘Ngera sebechel mo ulterekokl a renguk er ngii er chelecha el lolekedang a kloul ringel?’—Lk. 21:​25-28.