Bldeklel A Suobel

Ngua ngera ildisel el telbiil a bla mruul el mo er a Jehovah? Kau ke omdasu el kmo ke kiei el melasem el oltirakl el mo er a tkurrebab el sebechem? E kuk ua ngera uldesuem el kirel a telbilem el kirel a chebechiielem? Ngar er tia el suobel, e kede mo mesuub a ungil kerebil a Jeftha me a Hana el tir a millemolem el oltaut a telbilir. E tiang a sebechel el olengeseu er kid el mo melemolem el oltaut a telbiled el mo er a Dios.

Kede blechoel el melatk aike el bo lebeskid a Jehovah er a Baradis. Engdi ngar er tia el suobel, e kede mo mesaod a 4 el mondai el Jehovah a mo okngemed me bo el sebechel el mo er ngii a budech me a deurreng er a beluulechad. Tia el omesaod a mo melisiich er a klaumerang er kid e ngosukid el mo outekangel el mo er a ulebongel.

Sel dodengei el kmo kede mla chuarm me a lechub e kede mla mes a chebirukel el omeruul, e a klaumerang er kid, me a klengariourreng, me a dirrek el blakerreng er kid a sebechel el mo measem. Me tia el suobel a mo mesaod a 3 el kerebai er a Biblia el mo olengeseu er kid el mo oukerebai er a osengel a Jehovah el kirel a llemalt.

Alta Jehovah a diak a ngera el lousbech er ngii er kid, engdi ngdmeu a rengul sel lesekid el olengeseu el melisiich er a omengederederel. Ngar er a 4 me a 5 el bliongel er a Mengeteklel, e kede mo suubii el kmo a Jehovah a kmal oba omereng el saul el bedul kid e le kede kongei el mesiou er ngii e oltirakl a ulekrael el mla er ngii.