Bldeklel A Suobel

Ngkired el mekerang sel bo dolechesuar el kmo a mondai el dechelebangel a kmal meringel er kid el mo outekangel? Ngar tia el suobel e kede mo mesaod er a bades er kid er a rak er a 2018. Kede mo mesuub er a uchul me ngkired el ousbech er a klisiich el mla er a Jehovah el mei me a rolel e ngmo meskid.

Chelecha el rak, e a Chedaol Belsoil er a kodellel a Kristus a mo er ngii er a Sebadong er a March 31, 2018. Ngmekera dongetmokl er kid er chelechang el kirel tia el tekoi? Ngmo uchul a ngera el klungioled a debo er ngii? E mekera e tia el Chedaol Belsoil e ngosuterir a rechedal a Dios el mo dmak el meliuekl er a beluulechad el rokir? Kede mo medengei a nger er aika el ker er tia el suobel.

A rokui el tekoi el ngar er ngii er kid a mla er a Jehovah. Engdi ngmeskid a techall el mo lmuut el msang, e ousbech aike el ngar er ngii er kid el mo olengeseu er a ureor er a cheldebechelel. E ngera uchul? Ngmekera e mo uchul a klungioled sel dongebkall er a Jehovah lolab aike el mekreos el klokled? Kede mo mesaod aika el ker er tia el suobel.

A kot el suobel a mesaod er a rolel e a mera el deurreng a mei lokiu a bltkil a rengud el mora Dios el diak el mei lokiu a bechelechelingaol el bltikerreng el blekeradel er a “uriul sils.” (2 Timothy 3:1, BT) A ongeru el suobel a mesaod er a rolel e a rechedal a Dios a kmal ngodech a blekerdelir er a rebetok el chad er chelecha el taem.