A Ker El Mla Er A Remenguiu

A lsekum a sechal me a redil el diak lebechiil a mo bad er a osisiu el blai el ta el kesus el diak a ungil uchul, e tia ngochotii el kmo te mla mora klengit el uchul me ngkirel a chelechad er a remechuodel el oukerekeriil el mo mesaod er ngii?

A redil me a sechal el dmak el bad er a osisiu el blai el ta el kesus el di tir el terung el diak a ungil uchul, a kmal mesisiich el olechotel a kmo te mla ruebet er a deleboes. Engdi a lsekum e ngmla er ngii a ungil uchul, e ngdiak a belkul a chelechad er a remechuodel el oukerrekeriil el mo mesaod er ngii.​—1 Korinth 6:18.

A chelechad er a remechuodel a kirir el mo kerekikl el merriter er a derta el blekeradel el oterekeklii el kmo ngkirel a chelechad er a remechuodel el oukerekeriil el mo mesaod er ngii me a lechub e ngdiak. El ua tiang: Tirka el terung, te kasisiik? A remechuodel te mla mellach er tir er a uchei el kirel a blekerdelir? Ngera uchul me te mlo bad er a osisiu el blai el ta el kesus? Te tilbir er uchei el mo meruul el uaisei? Ngmla er ngii a ta er a tekoi el mle sebechir el rullii, me a lechub e ngdilubech a bkaischemrungel el tekoi el mlo uchul me ngmlo kirir el bad er a osisiu el blai el ta el kesus? (Olisechakl 9:11) Te mle bad er ker? A bek el blekeradel a kakerous me nglocha ngar er ngii a bebil el omesodel el sebechel el ngosuterir a remechuodel el mo ungil a omelilt el loruul.

Me a uriul er a lorriter a chelechad er a remechuodel el kirel tia el tekoi, e te mo oterekeklii el kmo ngkirel a chelechad er a remechuodel el oukerekeriil el mo mesaod er ngii me a lechub e ngdiak.