Chelitakl 42 (92)

Momerk loba Blekeu

(Rellir Ar Apostel 4:13)

1. Ar chedal a Jah, kirir el mo

Mesisiich ra ultok ra Satan.

Ke doba blekeu mlara Biblia,

E dirrek sel douchais raike’l derrenges.

Tekingel a Dios a smisichid,

El melemolem loba llemalt.

El uai ar apostol mar chad ra irechar,

Bo de bekeu, el deu a rengud.

2. Kid a oumerang loba rengud

Le Tekingel a Dios a klem’rang,

Ngdiak demedakt a loruul a rechad

Alta kid a mekesai e ke doumerang.

Me de kerekikl ra urered

El omerk ra klemechel a Dios.

Domerk el mora ullebongel,

E a Jehovah a mo Sechelid.

3. Mngesuterir rar mechitechut

Bo lsebechir dirrek el louchais.

Lak dongemikr tirke’l ngeasek;

Momekeroul er tir el mo mesisiich.

Bo dongelaod rar mekngit a rengrir;

E debekeu, lultuil ra Dios.

Ngii a mengederedel el King

El rulleterir rar chad el odengesii.