Chelitakl 70 (162)

“Momerk a Tekoi”!

(2 Timoteus 4:2)

1. “Momerk a tekingel,” ngdilu Dios

E ngmilellach er chelechang.

Chelechang ngmla meskid tia’l llach

Me dolengesenges er ngii.

Moba duch lolisechakl;

Me lebor ngii a klemedengei.

Lak medakt ra chad e di momerk

Ngara rael ra ngii dil ker.

2. “Momerk a Tekingel a Dios,”

E kltmokl el ouchais

E monger a ruker er sel luchul

Omeltkem ra chelsel a rengum.

“Momerk,” lokiu odechelakl

A lungil temel ma lak.

Bo lblak a rengum ra urerem;

Multuil ra Dios el klisiich.

3. “Momerk a Tekingel a Dios.”

Klou a belkul a lorrenges!

Ngmla mobdois a delengerenger,

Ma ullebongel a kmedang.

“Momerk” mel bor ngii osobel

Le kor kemiu mar bebil.

“Momerk” el kirel a omengikiid

Er a ngklel a Jehovah.