15 EL SUOBEL

Te Mekerang a Remechuodel a Losiou er a Ongdibel?

A ta er a remechuodel el mengedecheduch er a rechad er a ongdibel — Finland

A ta er a remechuodel el olisechakl er a ongdibel — Olisechakl

A remechuodel el melisiich er a rebebil el chedal a ongdibel — Oldingel el Melisiich

A ta er a remechuodel el omerk er a klumech — Ousioning

A cheldebechelam a diak a remengeteklel el uduudel. Te bai ngar er ngii a rudam el tir a rredemelel a mo ‘klekar er a Ikelesia er a Dios’ el uai a teletelel a ongdibel er a Rekristiano er sera lekot el omuchel. (Rellir 20:28) Tirka el mechuodel a ngar er ngii a mesisiich el deleuill er tir me a Jehovah e oungerachel a tekoi er a ongdibel e omekerreu el ‘diak louuesarech a rengrir e bai ungil a rengrir. Diak loureor el di kirel a udoud el longereker, e bai . . . meral ngar ngii er a rengrir a mesiou.’ (1 Petrus 5:1-3) Ngera el ureor a loruul el kiram?

Te omekerreu e mesebechakl er kemam. A remechuodel a omekrael e olengeseu er a ongdibel el mo melemolem el kmeed er a Jehovah. Te medengei el kmo a Dios a mla mesterir tia el klou a ultutelel el ngerachel a uchul me ngdiak longedereder er a rechedal a Dios, e te bai uchul a klisicham me a deuil a rengmam. (2 Korinth 1:24) A remechuodel a melasem el mo ungil el medengelterir a rebek el chad er a ongdibel, el di ua mengkerengel a sib el blak a rengul el omekerreu er a derta el chermel el sib.—Osisechakl 27:23.

Te olisechakl er kemam el mo meruul a soal a Dios. A bek el sandei, e a remechuodel a oungerachel aike el miting er a ongdibel el mo melisiich a klaumerang er kemam. (Rellir 15:32) Tirka el blak a rengrir el chad a dirrek el oungerachel er a ureor er a berkel a klumech, e oureor el obengkemam e olisechakl er kemam a rokui el teletelel tia el ureor.

Te melisiich er a derta er kemam. A remechuodel er a ongdibel a sebechir el oldingel er kemam er a blimam me a lechub e ng Blil a Ongdibel el omeskemam a ngeso me a ongelaod el oeak a Bades, me bo el sebechir el ngosukemam el smisiich a deleuill er a derta er kemam el obengkel a Jehovah.—Jakobus 5:14, 15.

Nguldimukl er a ngerechelir er a chelsel a ongdibel, e a ruumesingd el mechuodel a dirrek el ngar er ngii a urerir me a ngerechelir er a chelsel a delengcheklir el ousbech a temir. Tirka el blak a rengrir el rudam a rredemelel a omengull er kid.—1 Thesalonika 5:12, 13.

Ngera ngerechelir a remechuodel er a ongdibel?
Ngoeak a ngera el rolel e a remechuodel a olecholt a klemeriarreng el mei er kemam?