17 EL SUOBEL

Bo Lebleketakl a Cheldechedecham

1 Korinth 14:9

KEDEB EL OMESODEL: Mngesuterir a rurrenges er kau el mo ungil medengelii a tekoi el mosaod er ngii.

Bo mungil suubii a tekoi el bo mosaod er ngii. Bo mungil medengelii a tekoi el bo mosaod er ngii me bo el sebechem el meketeklii el mora rechad el ngar er a beot el rolel, e ousbech a di tekingem.
Mousbech a beot e mekedeb el tekoi. Alta ngdiak a telemellel a bo lemekemanget a tekingem, engdi ngbai ungil a bo lemekedeb a omesodem, e bo mungil meketakl aike el meklou a ultutelel el tekoi.

Lak mosaod a betok el diak a belkul el omesodel a tekoi el sebechel el omekerrau, e olsebek a rengrir a rurrenges er kau. Bai mousbech a beot el omesodel a tekoi.
Beketakl aike el tekoi el diak lodengei. A lsekum ngsebechel, e lak mousbech a belkul a tekoi el diak lodengei a rurrenges er kau. Engdi lsekum ngmo kirem el mesaod a tekoi el ua rechad el ngar er a Biblia, me a olkael el luluusbech er a irechar, me a lechub e ngsiukang, e bo mungil el meketakl el mo er tir.