Bo Leblak a Rengum el Melisiich a Reng

Osisechakl 3:1

KEDEB EL OMESODEL: Mngesuterir a rurrenges er kau el mo medengelii a klungel a ultutelel a tekoi el lesuub, e bo loltaut er a klengar er tir.

ROLEL A MORUUL ER NGII:

• Mngesuterir el mo meduch el di tir el merriter er tir. Moker a ker el rulleterir el mo di tir el merriter er tir.

• Molisiich a rengrir. Mongelechel er a rurrenges er kau el mo merriter er a uchul me te meruul a ungil tekoi. Mngesuterir el mo sorir el meruul a tekoi e le ngbetik a rengrir er a Jehovah, me a rechad, me a osisechakl er a Biblia. Mngesuterir el mo mesa llomes el losaod er ngii a Biblia, e lak mollach er tir. Lak mrelleterir el mo merur, e bai molisiich er tir lokiu a cheldechedecham, el rulleterir el mo sorir el mora tkurrebab el sebechir el meruul a tekoi.

• Momekrael a uldesuir el mora Jehovah. Molisiich er a rolel e a osisechakl er a Biblia, me a omellach, me a omengelechel a mesaod el kirel a blekerdelel a Dios me sel bltkil a rengul el bedulkid. Mokurulii a klemeriarreng er tir el mo sorir el melatk er a uldesuel a Jehovah, e mo oldeu er a rengul.