Rolel e Kede Dongcheterir a Remera el Kristiano

Rebetok el biliol el chad a kmo te Kristiano. Me nguaisei engdi te kakerous a klaumerang er tir me a rolel a loumerang. Me ngmekera sebeched el dongcheterir a remera el Kristiano?

1. Ngngera Klekristiano?

A Kristiano a disaiplo er a Jesus Kristus me a lechub e ngoltirakl er ngii. (Monguiu er a Rellir 11:26.) Ngmekera lochotii el kmo ngdisaiplo er a Jesus? A Jesus a dilu el kmo: “A lsekum kom mo oltirakl osisecheklek, e kom meral obengkek.” (Johanes 8:31) Tia belkul a kmo, a remera el Kristiano kirir lolengesenges a osisecheklel a Jesus. A Jesus uluusbech er a Tekingel a Dios el olisechakl a uchul me a klaumerang er a remera el Kristiano kirel el mengai a uchetemel er a Biblia.​—Monguiu er a Lukas 24:27.

2. A remera el Kristiano, ngmekera lolecholt a bltikerreng?

A Jesus a dilu er a rultirakl er ngii el kmo: “Bo mkaubltikerreng, el di ua ingak el betik a renguk er kemiu.” (Johanes 15:12) Ngmilekera Jesus e ochotii el kmo ngbetik a rengul er a redisaiplo er ngii? Ngmilengoit a taem lobengterir, millisiich er tir, e ullengeseu er tir. Ngtilengetengii a klengar er ngii el kirir. (1 Johanes 3:16) Ngdi osisiu, a remera el Kristiano a diak di losaod el kirel a bltikerreng. Te ochotii loeak a tekingir me a omerellir el kmo te mera el kaubltikerreng.

3. Remera el Kristiano te mechesang el meruul er a ngera el ureor?

A Jesus a milsterir a urerir a redisaiplo er ngii. Ng “uldercheterir el mo omerk ra rengedel a Dios.” (Lukas 9:2, BT) A rekot el Kristiano a ulemerk er aike el basio er omengull, ngar er a buai, me a dirrek el obliil. (Monguiu er a Rellir 5:42; 17:17.) Remera el Kristiano er chelecha el taem me te dirrek lomerk a klemerang er a Biblia er a ngii di el basio el lebetik er a rechad er ngii. Ngbetik a rengrir er a rechad me ngkmal dmeu a rengrir lousbech a temir me a klisichel a bedengir louchais er a klumech er a Biblia er omelatk me a ongelaod.​—Markus 12:31.

BOM DMOLECH EL MERRITER

4. Te osiik a klemerang er a Biblia

Ngdiak el rokui el chad el kmo te Kristiano omes a klemerang er a Biblia el meklou a ultutelel. Momes er a VIDEO e mosaod aika el ker.

VIDEO: How Christianity Was Corrupted (5:11)

• Aike el ikelesia el melekoi el kmo te Kristiano, ngngera te mirruul el merrob er a rechad me ngdiak bo lodengei a osisecheklel a Jesus?

A Jesus ullisechakl a klemerang el ngar er a Tekingel a Dios. Monguiu er a Johanes 18:37 e mosaod er tia el ker:

• A doltirakl a tekingel a Jesus, e ngmekera sebeched el dongcheterir “tirkel chedal [a] klemerang”?

5. Te omerk a klemerang er a Biblia

Uchei er a lluut el mora eanged a Jesus, ngmilsterir a rultirakl er ngii a ureor el kirir el melemolem er ngii el mei er chelecha el taem. Monguiu er a Mateus 28:19, 20 me a Rellir 1:8 e mosaod er tia el ker:

• Ngmo uangerang a klungel a ureor er a berkel a klumech?

6. Te oltirakl aike el lomerk

Ngera ulterekeklii a rengul a chad el ngklel a Tom el kmo, ngmla metik er a remera el Kristiano? Momes er a VIDEO e mosaod aika el ker.

VIDEO: I Gave Up on Religion (5:20)

• Ngera rirellii a Tom el mo diak el soal a klechelid?

• Ngera oterekeklii a rengul el kmo ngmla metik er a klemerang?

Omerelled a lmuut el klou a lerellii er a tekinged. Monguiu er a Mateus 7:21 e mosaod er tia el ker:

• Ngera lmuut el klou a ultutelel er a Jesus, aike el dedu el kmo kede oumerang me a lechub aike el me chemolt er omerelled?

7. Te kaubltikerreng er a delongelir

A Rekristiano te mera el mla kongei el mo mad el kirir a rekldemir el Kristiano? Momes er a VIDEO e mosaod aika el ker.

VIDEO: He Offered to Surrender His Life (2:55)

• Ngera rirellii a Lloyd el mo kongei el mad el kirel a Brother Johansson?

• Omomdasu e a omerellel, ngomerellir a remera el Kristiano?

• A redisaiplo er a Jesus (remera el Kristiano) ngmo uangera omerellir el mora rechad er a ngodech el beluu?

• Te mo mekerang er a taem er a mekemad?

SUMMARY

A remera el Kristiano oltirakl a osisechakl er a Biblia, olecholt er a bltikerreng, e omerk er a klemerang.

Review

• A klaumerang er a remera el Kristiano ngmengai a uchetemel er a ngerang?

• Ngera el blekeradel a olengchelir a remera el Kristiano?

• Ngera el lureor a loruul er ngii a remera el Kristiano?

A LSEBECHEM E MOMES

Bo modengelii a cheldebechel er a rechad el melasem el mora tkurrebab el sebechir loltirakl er a kerebil me a osisecheklel a Jesus Kristus.

Te Rua Techa Resioning er a Jehovah? (1:13)

Mesa rolel e a redil el mle suester a miltik er a “mera el telungalek er ngii er a klereng.”

“They Used the Bible to Answer Every Question!” (The Watchtower, April 1, 2014)

Momes er a rolel e a remera el Kristiano olecholt er a bltikerreng el mo er tirke el duubech a tellemall er a belurir.

Helping Our Brothers When Disaster Strikes​—Excerpt (3:57)

Morriter a rolel e a rekot el Kristiano me a remera el Kristiano oltirakl er a rolel a omengull el ngii a olechotir a rultirakl er a Jesus.

“Ngerang a Olengchelir a Remera el Kristiano?” (A Ongkerongel, May 1, 2012)