Te Ngerang a Rechanghel, e Ngera Te Meruul?

Jehovah soal a bo dodengelii a telungalek er ngii er a eanged. Tirka rechanghel lokedongall el “rengelekel a Dios.” (Job 38:7, NW) Ngerang ngmelekoi a Biblia el kirir a rechanghel? Ngera te meruul a rechanghel? A rechanghel el rokui te chedal a telungalek er a Dios?

1. Te ngerang a rechanghel?

Jehovah ulemeob er a rechanghel er a uchei er a lebebii a beluulechad. Te di uai ngii el reng e diak lemeues e kiei er a eanged. (Hebru 1:14) Te ngar ngii a rebetok el miliol el anghel, e tirka kakerous a blekerdelir. (Ocholt 5:11) Te “olengesenges a tekingel [a Jehovah] e orrenges a le dung.” (Psalm 103:20) A irechar e a Jehovah lebebil e nguleldurech er a rechanghel molab a tekingel el mora rechad, olengeseu er tir, e olsobel er tir. Chelecha el taem e te omekrael er a Rekristiano el mora rechad el sorir el mo medengelii a Dios.

2. Ngtecha Satan me a remekngit el anghel er ngii?

A rebebil er a rechanghel a dimlak lolemolem el blak a rengrir el mora Jehovah. A “Diabelong, ma lechub e ng Satan, el mengeblad er a beluulchad el rokir,” a ngike el kot el anghel el mlo omtok. (Ocholt 12:9) Satan a mle soal mengedereder er a rechad me ngchiltikikii a kot lobekel me a rebebil er a anghel el mo teloi er a ultekengel. A Jehovah uldiketerir er a eanged el mei er tia el chutem. Tirka bo lokngemedeterir.​—Monguiu er a Ocholt 12:9, 12.

3. Ngmekera Satan me a remekngit el anghel e melasem el mengeuid er kid?

A Satan me a remekngit el anghel a mengeuid er a rebetok loeak sel loruul er a rechad el mo omdasu el kmo ngsebechir el mengedecheduch er a rechelid. El ua tiang, a rechad a mo omes er a rechad el menguiu a btuch, menguiu a kat, remengelil, me a rechad er a olai. A rebebil osiik a rolel a ukeruul el ngii a chelsechusem er a chouaika el blekeradel. A rebebil a dirrek el meruul er a rechad el mo omdasu el kmo ngsebechir el mengedecheduch er a rulekoad. Engdi a Jehovah kmo: “Lak bor a re chad el oker a tekoi er a delebengir a re mla mad.” (Levitikus 19:31) Ngmengelechel er kid el kirel tiang lomekerreu er kid er a Satan me a remekngit el anghel. Tirka cherrouel a Jehovah e sorir el melemall er kid.

BOM DMOLECH EL MERRITER

4. A rechanghel olengeseu er a rechad el mo medengelii a Jehovah

Rechanghel er a Dios a diak lomerk el mora rechad. Te bai omekrael er a rechedal a Dios el mo er tirke el sorir el mo medengelii. Monguiu er a Ocholt 14:6, 7 e mosaod aika el ker:

• Ngera uchul me kede ousbech er a ngelsurir a rechanghel el mo omerk?

• Ngrutechii a rengum sel modengei el kmo a rechanghel a sebechir lomekrael er kau el mora rechad lousbech el mo medengelii a Biblia? E ngera uchul me ke melekoi el uaisei?

5. Moltngakl aike el tekoi el chelsechusem er a remekngit el anghel

Satan me a remekngit el anghel a cherrouel a Jehovah. Te cherrouem el dirrek. Monguiu er a Lukas 9:38-42 e mosaod er tia el ker:

• Ngua ngera omerellir a remekngit el anghel el mora rechad?

Ngkmal diak el soad el mechititerir a remekngit el anghel me lesiseb er a klengar er kid. Monguiu er a Duteronomi 18:10-12 e mosaod aika el ker:

• Ngera te meruul a remekngit el anghel el melasem el mengetikaik e mengedecheduch er kid? Ngera el omeruul el chelsechusem er tir omues er a beluam?

• Me a omomdasu e a Jehovah el diak lekengei aika el omeruul ngungil el tekoi? Ngera uchul me ke melekoi el uaisei?

Momes er a VIDEO e mosaod aika el ker.

VIDEO: “Oppose the Devil” (5:02)

• Omomdasu e sel klilt luluuklilt er ngii a ngelekel a Palesa mla er ngii a telemellel? E ngera uchul me ke melekoi el uaisei?

• Ngera mle kirel a Palesa el meruul er ngii me lebo el selebechakl er a remekngit el anghel?

Remera el Kristiano omtok er a remekngit el anghel. Monguiu er a Rellir 19:19 me a 1 Korinth 10:21 e mosaod er tia el ker:

• Ngera uchul me ngklou a ultutelel el dechoit aike el rokui el klokled el chelsechusem er a remekngit el anghel?

6. Bo mesisiich er a Satan me a remekngit el anghel

A remekngit el anghel a ngar cheungel a klisichel a Satan. Engdi a reblak a rengrir el anghel a ngar cheungel a ngarbab el anghel el Mikael, el ta er a ngklel a Jesus. Ngua ngera klungel a klisichel a Mikael? Monguiu er a Ocholt 12:7-9 e mosaod aika el ker:

• Ngtecha lmuut el mesisiich? Ng Mikael me a rechanghel er ngii me a lechub e ng Satan me a remekngit el anghel?

• Omomdasu er a rultirakl er a Jesus ngkirir el mo medakt er a Satan me a remekngit el anghel?

Ngsebechem el mo mesisiich er a Satan me a remekngit el anghel. Monguiu er a Jakobus 4:7 e mosaod er tia el ker:

• Ngmekera sebechem el mukerreu er a Satan me a remekngit el anghel?

SUMMARY

A reblak a rengrir el anghel olengeseu er kid. A Satan me a remekngit el anghel a cherrouel a Jehovah e ousbech aike el tekoi el chelsechusem er tir el mengeuid er a rechad.

Review

• Te mekera rechanghel er a Jehovah e olengeseu er a rechad el mo medengelii?

• Ngtecha Satan me a remekngit el anghel?

• Ngera uchul me ngsoam el mengeroid er kau er aike el tekoi el chelsechusem er a remekngit el anghel?

A LSEBECHEM E MOMES

Morriter aike el olechotel a kmo a Jesus a ngarbab el anghel el Mikael.

“Who Is the Archangel Michael?” (Suobel el ngar er a Internet)

Morriter olechotel a kmo a Diabelong a mera el ngar, el diak di el sel mekngit el ngar er a rengud.

“Is the Devil Real?” (Suobel el ngar er a Internet)

Mesa rolel e a ta el redil a mlo mesisiich er a remekngit el chelid.

“She Found a Purpose in Life” (The Watchtower, July 1, 1993)

Msuubii a rolel e a Satan ousbech aike el tekoi el chelsechusem er a remekngit el anghel el mengeuid er a rechad.

“The Truth About Magic, Sorcery, and Witchcraft” (The Road to Everlasting Life, part 5)