49 EL SUOBEL
Ngmekera Sebechel Mo er Ngii a Deurreng er a Telungalek er Kau?—Part 1
Ngurungulir a redirk mlo bechiil el chad el kmo, sel deurreng lulemelechesiu er ngii er a sils er a merengel a chebechiielir bo lak a ulebengelel. E kmal sebechel uaisei. A Rekristiano el mla bechiil el kemanget el taem e meringel loureor loltaut omellach er a Biblia a medengei el kmo ngsebechel el tekoi.
1. A Biblia ngmesterir a rebechiil el sechal a ngera el ulekrael?
A Jehovah tiltkii a bechiil el sechal el mo bdelul a telungalek. (Monguiu er a Efesus 5:23, BT.) A Jehovah mengerechir er tir el mo meruul omelilt el ngii a mo klungiolel a telungalek er tir. A Biblia dmu er a rebechiil el sechal el kmo: “Bo le betik a rengmiu rar bechemiu.” (Efesus 5:25, BT) Tiang ngera belkul? A ungil bechiil el sechal a ungil omerellel el mora bechil, a lengar er a blai me a buai. Ngomekerreu er ngii e mora tkurrebab el sebechel el omsa ike el lousbech er a bedengel, rengul, me a uldesuel. (1 Timothy 5:8) A ngaruchei er ngii, ngngerechelel lomsa aike el lousbech er a klereng er ngii. (Mateus 4:4) El ua tiang, ngsebechel el dmak lobengkel a bechil el meluluuch e menguiu er a Biblia. A bechiil el sechal sel lomekerreu er a bechil, e ngmelemolem el ungil a deleuill er ngii me a Jehovah.—Monguiu er a 1 Petrus 3:7.
2. A Biblia ngmesterir a rebechiil el redil a ngera el ulekrael?
Tekingel a Dios a melekoi el kmo a rebechiil el redil “a kmal kirir el mengull er a re becherir.” (Efesus 5:33) Ngmekera loruul er tiang? Ngsebechel melatk a ungil blekerdelel a bechil me aike el loruul el omekerreu er ngii me a rengelekir. Ngdirrek el sebechel lochotii omengull loeak sel le support omelilt er a bechil e lungil a ngerel mengedecheduch er ngii e lolekoi a ungil kirel, mo lmuut me a lak lengar er a klemerang a bechil.
3. Ngmekera rubekel e smisichii a chebechiielir?
A Biblia melekoi el kirir a rebechiil el chad el kmo: “Tir el terung a mocha tal chad.” (Mateus 19:5) Tia belkul a kmo ngkirir el meringel loureor me ngdiak el bo lemekelekolt a bltikerreng er a delongelir. Te meruul el uaisei loeak sel leblechoel el mengoit a taem el dmak e lebleketakl louchais a uldesuir me aike el ngar er a rengrir el ngar er a rolel a bltikerreng. Ngdiak el becherei a ngii di el chad el mo lmuut el klou a ultutelel er a bechil, ngdi ta el Jehovah. Te kerekikl el diak lebo er ngii a kmes el deleuill er tir lobengkel a ngii di el chad.
BOM DMOLECH EL MERRITER
Mesa el kmo ngngera el omellach er a Biblia sebechel smisichii a chebechiieliu.
4. Rebechiil el sechal bo lebetik a rengmiu er a rebechemiu e bo mungil lomekerreu er tir
A Biblia melekoi el kmo a “re sechal a kirir el mo betik a rengrir er a re becherir el di ua le betik a rengrir er a di bedengir.” (Efesus 5:28, 29) Tiang ngera belkul? Momes er a VIDEO e mosaod er tia el ker.
Ngera bebil er a rolel e a bechiil el sechal a sebechel lochotii el kmo ngbetik a rengul er a bechil e omekerreu er ngii?
Monguiu er a Kolose 3:12 e mosaod er tia el ker:
Ngmekera bechiil el sechal e olecholt aika el blekeradel er a chelsel a chebechiielir?
5. Rebechiil el redil mongull er a rebechemiu e bo lebetik a rengmiu er tir
A Biblia melisiich er a bechiil el redil me bo longull er a bechil, a losiou er a Jehovah me a lak. Monguiu er a 1 Petrus 3:1, 2 e mosaod aika el ker:
A lsekum a bechim a diak lengar er a klemerang, e nglocha kmal soam a ledirrek el bo longull er a Jehovah. Omomdasu e ngngera ungil rolel e ke ngosuir, kau el di omerk er a klumech el mo er ngii el diak em stob, me a lechub e ke olecholt a ungil blekeradel me a omengull el mo er ngii? E ngera uchul me ke melekoi el uaisei?
Rebechiil el sechal me a redil a sebechir el dmak el meruul a ungil omelilt. Me nguaisei, ngngar ngii aike el taem el bechiil el redil a locha mo diak losisiu a uldesuel ngii me a bechil. Ngsebechel loba chelellakl el reng me a omengull e ouchais er ngii a uldesuel, engdi ngkirel mtebengii el kmo a Jehovah mla msa llemeltel a bechil el melilt el kmo ngngera ungil kirel a telungalek er tir. Me ngkirel mora tkurrebab el sebechel support er a omelilt er ngii. Sel loruul el uaisei e ngmo er ngii a deurreng er a telungalek er tir. Monguiu er a 1 Petrus 3:3-5 e mosaod er tia el ker:
Ngmo uangera uldesuel a Jehovah sel lomes er a bechiil el redil lolecholt omengull el mora bechil?
6. Ngsebechiu el mo mesisiich a mondai er a chebechiieliu
Ngdiak a chebechiil el diak a mondai er ngii. Sei a uchul me a rebechiil el chad a kirir el meringel loureor el mo mesisiich er aika el mondai. Momes er a VIDEO e mosaod aika el ker.
Sel momes er a video, e ngera bebil er a olechotel a kmo tirka el obekel a mekelekeltang a bltikerreng er a delongelir?
Ngera te mirruul me lluut el mo mesisiich a chebechiielir?
Monguiu er a 1 Korinth 10:24 me a Kolose 3:13. Uriul er a monguiu a derta er aika el bades, e mosaod er tia el ker:
Ngmekera smisichii a chebechiil sel loltaut er tia el ulekrael?
A Biblia melekoi el kmo ngkired el kakull. Uldimukl er a doruul er tiang a mo ungil omerelled el mora rechad el ngar er a rolel e kede olecholt omengull. Monguiu er a Rom 12:10, BT e mosaod aika el ker:
A bechiil el sechal me a lechub e ngbechiil el redil ngkirel mengiil er a bechil me a kot e olecholt er a omengull? E ngera uchul me ke melekoi el uaisei?
A REBEBIL A KMO: “Ngak me a bechik a diak kim close el ua ngar er a mong.”
Ngmekera msodii el mo er ngii el kmo a Biblia sebechel ngosuterir?
SUMMARY
A bechiil el sechal me a redil a sebechir el mo dmeu a rengrir sel lekaubltikerreng, lekakull, e loltaut omellach er a Biblia.
Review
Ngmekera bechiil el sechal e dochelir a deurreng er a chebechiil?
Ngmekera bechiil el redil e dochelir a deurreng er a chebechiil?
A lsekum ke bechiil, e ngera el omellach er a Biblia sebechel smisichii a chebechiieliu?
A LSEBECHEM E MOMES
Msuub aike el sebechem el meruul el ngosuir a telungalek er kau el mo er ngii a deurreng er ngii.
Ngsebechel el Mo er Ngii a Deurreng er a Telungalek er Kau (brochure)
Momes er a music video lolecholt a klengeltengat el mora chebechiil sel loltaut a ulekrael er a Dios.
Morriter er a belkul a redil a bo lechederedall er a bechil.
“Kemiu el Redil, Ngera Uchul Me kom Kongei el Chederedall?” (A Ongkerongel, May 1, 2010)
Ngmilekera ta el obekel e mo mesisiich er a oberaod el mondai luldimukl er ngii a dertel a chebechiielir?