A Uchul me a Biled me a Omengetmekled a Klou a Ultutelel

Kid el rokui a di kakerous a rolel a doubail me a dongetmokl er kid. Sel doltirakl a omellach er a Biblia e ngsebeched loubail aike el soad el bail e dirrek lodeuir a rengul a Jehovah. Ka me dosaod a bebil omellach.

1. Ngera el omellach a kirel lomekrael a bail el dolilt me a rolel a dongetmokl er kid?

Ngkired el melilt a bail el “lulengeasek” me a omengetmekled ochotii el kmo kede “oltirakl er a Dios.” (1 Timothy 2:9, 10) Molatk aika el eua el omellach: (1) A biled a kirel “lulengeasek.” Ke locha mla mesa er a miting er a ongdibel el kmo a rechedal a Jehovah a kakerous a rolel a longetmokl er tir, me nguaisei engdi bilam me a rolel aki moruul a chiumam ochotii omengull el mora Dios el ki mongull er ngii. (2) A biled a kirel ungilbesul el belkul a kmo, ngdiak el kirel rulleterir a rebebil el mo melatk a diak el klikiid el uldasu me a lechub e luchul a klou el attention el mei er kid. (3) Ngkired lochotii a tabesul el uldasu loeak sel lak bo doltirakl a rokui el beches el bedengel a bail el mo haeri. (4) A rolel a dongetmokl er kid a kirel lochotii el kmo kede “oltirakl er a Dios,” me a rechad a mo beot er tir a mesa el kmo kede mengull er a di ta el mera el Dios.​—1 Korinth 10:31.

2. A rolel a dongetmokl er kid ngerang ngsebechel rullii el mora rudam me a rudos er kid?

Me alta ngngar ngii a ilmekled el melilt a soad loubail, engdi ngungil dolatk el kmo a rolel a doubail ngngera ngmo rullii el mora rebebil. Kede melasem el mora tkurrebab el sebeched el diak bo dolibas er a ngii di el chad, e ngbai kede “meruul er a rengul a tar kid el oltirakl er a ungil er ngii, me ng mo mesisiich el oumerang.”​—Monguiu er a Rom 15:1, 2.

3. Ngmekera rolel a dongetmokl er kid e ochau a rengrir a rechad el mei er a mera el omengull?

Me alta kede melasem el mo ulengeasek a rolel a doubail er a bek el taem, engdi kede tokubets el kerekikl er a omengetmekled sel debora miting er a ongdibel me sel domerk er a klumech. Ngdiak el soad a rechad a bo lak lolatk er a klou a ultutelel el klumech el doba el mo er tir. E ngbai a rolel a doubail a sebechel mesichii a klemerang e “[mesichii] ra bek el tekoi chosisecheklel a Dios el Osobeled.”​—Titus 2:10, BT.

BOM DMOLECH EL MERRITER

4. Sel lungil oketmekled e kede ochotii omengull el mora Jehovah

Ngera sel kot el klou a ultutelel luchul me kede omekerreu er a rolel a dongetmokl er kid? Monguiu er a Psalm 47:2 e mosaod aika el ker:

• Kid el lomtechei er a Jehovah, ngera ngkirel rullii er a rolel a doubail?

• Omomdasu e ngmera el kired el melatk a rolel a doubail sel debora miting me sel domerk er a klumech? E ngera uchul me ke melekoi el uaisei?

5. Rolel e kede mo ungil melilt a rolel a doubail e dongetmokl er kid

Momes er a VIDEO.

VIDEO: “Do All Things for God’s Glory” (10:18)

A lemeringel a cheral a biled me a lechub e lebeot a cheral, me ngii a kirel clean e ungilbesul loltirakl er a blekeradel el dengar ngii. Monguiu er a 1 Korinth 10:24 me a 1 Timothy 2:9, 10. E mosaod er a uchul me ngdiak el lungil a doubail a bail el . . .

• sloppy me a lechub e ngkuk kmal casual.

• omechem, revealing, me a lechub ngrulleterir a rechad el mo omdasu a diak el klikiid el uldasu.

Alta Rekristiano diak lengar cheungel a Llach er a Moses, engdi ngsebechir el suubii er ngii a uldesuel a Jehovah. Monguiu er a Duteronomi 22:5 e mosaod er tia el ker:

• Ngera uchul me ngdiak el soad el mengetmokl er kid me a lechub e doubail a bail el rulleterir a resechal el mo ua teletelir a redil me a lechub e ngrulleterir a redil el mo ua teletelir a resechal?

Monguiu er a 1 Korinth 10:32, 33 me a 1 Johanes 2:15, 16 e mosaod aika el ker:

• Ngera uchul me ngkired el omekerreu a lsekum a rolel a dongetmokl er kid a melibas er a rechad er a beluu me a lechub a rechedal ongdibel?

• Ngera el style er a bail me a rolel a longetmokl er tir a rechad a omesang er a beluu el mkiei er ngii?

• Omomdasu a bebil er aika el style ngdiak lungil el kirel a Kristiano? E ngera uchul me ke melekoi el uaisei?

SUMMARY

Sel doruul a ungil omelilt el kirel a rolel a dongetmokl er kid e kede ochotii omengull er kid el mora Jehovah me a rechad.

Review

• Ngera uchul me a rolel a doubail e dongetmokl er kid a klou a ultutelel er a Jehovah?

• Ngera bebil er a omellach el kirel lomekrael er kid er a rolel a doubail e dongetmokl er kid?

• Ngmekera rolel a dongetmokl er kid e ngar ngii a lerellii er a osengir a rechad el kirel a mera el omengull?

A LSEBECHEM E MOMES

Mesa el kmo ngera te locha melatk a rechad sel lomes a bilem.

“How Do I Look?” (Suobel el ngar er a Internet)

Mesa el kmo ngera uchul me ngolechotel a llomeserreng a omomdasu er uchei er a omolengod.

“What Does the Bible Say About Tattoos?” (Suobel el ngar er a Internet)

Morriter a lmuut el bebil er a omellach el sebechel lomekrael omelilt el doruul.

“A Bilem, Ngmengebkall er a Dios?” (A Ongkerongel, September 2016)

Ngmilekera ta el redil el kmal mle soal lodeuir a rengul a Dios e suubii el mo tabesul osengel el kirel a rolel a rebebil a melilt el oubail?

“Dress and Grooming Was My Stumbling Block” (Awake!, December 22, 2003)