Ngtecha “Blak a Rengul e Mellomes a Rengul el Mesiou,” e Ngera Ngmeruul?

Jesus a Bdelul ongdibel er a Rekristiano. (Efesus 5:23) Chelecha el taem e ngngar er a eanged e omekrael er a rultirakl er ngii lousbech er a “blak a rengul e mellomes a rengul el mesiou.” (Monguiu er a Mateus 24:45.) Ngika el “mesiou” a miltutk er a Jesus me ngngar ngii a klisichel engdi ngmesiou er a Kristus me a rudam er a Kristus. Ngtecha ngika el mesiou? E mekera omekerreu er kid?

1. Ngtecha “blak a rengul e mellomes a rengul el mesiou”?

Jehovah blechoel lousbech er a chad me a lechub e ngkekerei el cheldellir a rechad el omekrael er a rechedal. (Malakai 2:7; Hebru 1:1) Uriul er a lemad a Jesus e a rechapostol me a remechuodel er a Jerusalem a mlo omekrael er a rechedal. (Rellir 15:2) Ngoltirakl er tia el osisiu el rolel e a Governing Body er a Resioning er a Jehovah oltobed a kall er a klereng e omekrael er a ureor er a berkel a klumech. Tia el kekerei el cheldellir a rechad a “blak a rengul e mellomes a rengul el mesiou . . . [el Jesus] a mla tutkii.” (Mateus 24:45a) A rokui el chedal a Governing Body a ngellitel el Kristiano el omes el beduluchei el mo teloi er a Jesus el ngar er a Renged er a eanged er a uriul er a klengar er tir er tia el chutem.

2. Ngera el kall er a klereng a lomeskid a blak a rengul el mesiou?

Jesus a dilu el kmo a blak a rengul el mesiou a mo “omesterir a kelir [a Rekristiano] er sel belsechel.” (Mateus 24:45b) Ngdi ua kall el dongang el ngosukid el melemolem el mesisiich e ungil a bedenged, a kall er a klereng el ngii a ulekrael el dengai er a Tekingel a Dios a meskid a klisiich el mo melemolem loba blakerreng el mora Jehovah e melemolem el meruul er a ureor el bla lebeskid a Jesus. (1 Timothy 4:6) Kede ngmai a kall er a klereng loeak a miting, assembly, me a convention, me a dirrek loeak aike el babilenged me a video el mengai a uchetemel er a Biblia, el ngii a ngosukid el mo medengelii a soal a Dios e smisichii a deleuill er kid me ngii.

BOM DMOLECH EL MERRITER

3. Rechedal a Jehovah kirir el chelderoder

Ngar cheungel a ulekrolel a Jesus e a Governing Body mengederoder a urerir a Resioning er a Jehovah. Osisiu el omeruul a mle uaisei er a taem er a rekot el Kristiano. Momes er a VIDEO.

VIDEO: Jehovah Organizes His People (6:18)

Monguiu er a 1 Korinth 14:33, 40 e mosaod er tia el ker:

• Ngmekera aika el bades e ochotii el kmo a Jehovah soal a Resioning er ngii a lechelderoder?

4. A blak a rengul el mesiou a mengederoder er a ureor er a berkel a klumech

Berkel a klumech a sel kot el klou a ultutelel lureor lurruul er ngii a rekot el Kristiano. Monguiu er a Rellir 8:14, 25 e mosaod aika el ker:

• Techa ulemekrael er a ureor er a berkel a klumech er a taem er a rekot el Kristiano?

• Ngera ngmirruul er ngii a Petrus me a Johanes er a lengai a ulekrael er a rechapostol?

Berkel a klumech a sel kot el klou a ultutelel el ureor el loruul er ngii a Governing Body. Momes er a VIDEO.

VIDEO: Focused on the Preaching Work (1:24)

Jesus a millisiich er a klungel a ultutelel a berkel a klumech. Monguiu er a Markus 13:10 e mosaod aika el ker:

• Ngera uchul me a berkel a klumech a kmal klou a ultutelel er a Governing Body?

• Ngera uchul me kede ousbech er a “blak a rengul e mellomes a rengul el mesiou” el mengederoder er tia el ureor er a beluulechad el rokir?

5. A blak a rengul el mesiou a omeskid a ulekrael

A Governing Body omesterir a Rekristiano er a beluulechad el rokir a ulekrael. Ngmekera medengei el kmo ngera el ulekrael a lomesterir? Morriter er a rolel e a governing body er a taem er a rekot el Kristiano a mirruul er tiang. Monguiu er a Rellir 15:1, 2 e mosaod aika el ker:

• Ngera mlo uchul a mondai er a delongelir a rekot el Kristiano?

• A Paulus, Barnabas, me a rebebil te mlo er techang el mo mesmechokl er tia el mondai?

Monguiu er a Rellir 15:12-18, 23-29 e mosaod er tia el ker:

• A uchei er a loruul a omelilt a governing body er a taem er a rekot el Kristiano, e ngera te mirruul el melai er a ulekrael er a Dios el kirel?​—Momes er a 12, 15, me a 28 el kekerei el bades.

Monguiu er a Rellir 15:30, 31 me a 16:4, 5 e mosaod aika el ker:

• Te milekera rekot el Kristiano er a lengai a ulekrael er a governing body?

• Ngmilekera Jehovah e omekngeltengat er a blekongesenges er tir?

Monguiu er a 2 Timothy 3:16 me a Jakobus 1:5 e mosaod er tia el ker:

• A Governing Body er chelecha el taem te osiik a ulekrael er ker sel loruul a omelilt?

SUMMARY

A Governing Body a “blak a rengul e mellomes a rengul el mesiou” el letiltkii a Kristus. Ngomesterir a Rekristiano er a beluulechad el rokir a ulekrael me a kall er a klereng.

Review

• Ngtecha tiltkii a “blak a rengul e mellomes a rengul el mesiou”?

• Ngmekera Governing Body e omekerreu er kid?

• Koumerang el kmo a Governing Body a “blak a rengul e mellomes a rengul el mesiou”?

A LSEBECHEM E MOMES

Mesa rolel e a Governing Body mengederoder a urerel.

“What Is the Governing Body of Jehovah’s Witnesses?” (Suobel el ngar er a Internet)

Mesa rolel e a Governing Body olterekokl el kmo kede ngmai a kall er a klereng el sebeched lotuil a klaumerang er kid er ngii.

Producing Accurate Publications (17:18)

Ngua ngera uldesuel a Governing Body el kirel a ureor el Jesus a mla msang?

A Cherished Privilege (7:04)

Ngmekera miting me a convention er kid e oterekeklii el kmo a Jehovah omekrael er a Governing Body?

Jehovah Is Teaching His People (9:39)