Lak Meterob

Lurruul er Ngii a Paulus

VIDEO: A Paulus a Diak Lemeterob er a Efesus

1. Momes er a VIDEO me a lechub e monguiu er a Rellir 19:​8-10. E molatk aika el ker:

1. A Paulus a dimlak el give up er a bo lomtok er ngii, ngbai milekerang e diak lemeterob lolengeseu er a resemeriar?

2. Ngmle tela el taem el lluut a Paulus el mo omes er a resemeriar, e mirruul el uaisei el ua klemengetel a ngerang?

Ngera Kede Suubii er a Paulus?

2. Ngkired el invest a taem me a meringel lureor el meruul a return visit e omuchel omesubel a Biblia.

Moukerebai er a Paulus

3. Em adapt er a schedule er kau el mo oltirakl er a ungil er a chad. Di lekau el oker: ‘Ngoingerang e ak ulterekokl el mo metik er ngii? Ngoingerang e ngulterekokl el ngar ngii a temel el mengedecheduch?’ Mkengei el lmuut el mo odngelii mo lmuut me a lak lungil el taem el kirem.

4. Mketmeklii a taem el mluut el mong. Bek el ulebengelel a cheldechedemiu e moterekeklii a taem el mluut el mo mengedecheduch er ngii. Em make sure e ke otireklii.

5. Lak moridii omelatk. Lak di mereched el mo omdasu el kmo a chad el diak leblechoel el ngar er a blai me a lechub ngblechoel el di mechesang a diak el semeriar. (1 Ko. 13:​4, 7) Bai molemolem el diak meterob losiik er ngii engdi osisiu el taem e kungil lousbech a temem.—1 Ko. 9:26.