Mo er a Remekekerei el Chad
Rolel a Doltngakl a Omengetikaik
JOSEF—PART 1
Ulekrael: Moruul er tia el tekoi er a basio el diak a cherrodech er ngii. Me sel monguiu aike el bades, e molebedebek el leko ke teloi er tia el tekoi el dubechang. Momeob er tia el ues er a chelsel a uldesuem. Morrenges aike el ngor. Bo momelechesiu aike el ngar er a rengrir tirke el chad.
Rechad el ngar tia el cheldecheduch: Josef, bechil a Potifar
Kekedeb el Omesodel: A Josef a oltngakl a omengetikaik er a bechil a Potifar el mo bad el obengkel.
1 MUTEBENGII TIA EL SIASING.—MONGUIU ER A GENESIS 39:1-12.
Mosaod er a klungel me a klebkellel a blil a Potifar.
․․․․․
Omomdasu e ngmle ua ngera teletelel a Josef? (Ngeso: Mluut el menguiu er a 6 el bades.)
․․․․․
Omomdasu e ngera ngmilechesuar a Josef er sera longedecheduch er a bechil a Potifar el ngar er a 8 me a 9 el bades?
․․․․․
2 MONGIIS EL MO DMOLECH.
Ngera mle sebechel el choitikikii a Josef el mo tomellii a llach el kirel a kldung? (Ngeso: Monguiu er a Filipi 2:12, e molebedebek el kirel a blekerdelel a klengar er a Josef. El ua tiang, seikid el taem, e te mla er ker a rechedal a Josef me a rekldemel el mesiungel a Jehovah?)
․․․․․
Omomdasu e ngera me a Josef a millatk el kmo a laokreng a klengit el omtok er a Dios, e seikid el taem e ngdirkak el bo er ngii a llechul a Dios el kirel a laokreng? (Ngeso: Monguiu e molebedebek aika el bades: Genesis 2:24; 12:17, 18; Rom 2:14, 15; me a Hebru 5:14.)
․․․․․
3 MOLTAUT AIKE EL MULSUUB. MLUCHES AIKE EL MSILUUB EL KIREL . . .
A omengerem a mo uchul a omengull.
․․․․․
Klungiaol el mo er tirke el oltirakl a llechul a Dios el kirel a kldung.
․․․․․
Ngkirem el mo meduch el ousbech er a ‘chomelebedebekem.’ (Hebru 5:14)
․․․․․
TA ER A OTUTEL.
Ngar er a chelsel a ngera el blekeradel er a klengar e ngsebechem el otireklii a telbilem el omtok a omengetikaik el mo er a deleboes el omeruul? (Ngeso: Monguiu e molebedebek er a Job 31:1; Psalm 119:37; Efesus 5:3, 4.)
․․․․․
4 NGERA EL TEKOI ER A CHELSEL TIA EL CHELDECHEDUCH A MLE SEBECHEM EL MO MELECHESUAR EL KMO NGKLOU A ULTUTELEL, E NGERA UCHUL?
․․․․․
A lsekum e ngdiak a Biblia er kau, e molengit er a Resioning er a Jehovah el kirel a tang, me a lechub e monguiu er ngii el ngar er a website el www.watchtower.org