A NGER ER AIKE EL KER ER A BIBLIA

Ngera me kede meluluuch me lemei a Rengedel a Dios?

A Rengedel a Dios a kabelment el ngar er a eanged. A Jesus a dilu er a rulebengkel me te meluluuch el olengit er ngii me lemei e le ngmo uchul e a beluulechad a mo mui er a budech me a llemalt. Ngdiak a ta el kabelment er a klechad el sebechel el okngemed a uldikel, chelebirukel me a lechub a secher, ngdi ta el Rengedel a Dios a sebechel el okngemed aika el rokui. Me a Dios a mla ngiltii a Ngelekel el Jesus el mo King er tia el Renged. Ngdirrek el mla melilt er a rebebil er a rultirakl er a Jesus el mo mengedereder er a Rengedel el obengkel ngii el Ngelekel.—Monguiu er a Lukas 11:2; 22:28-30.

Ngdi kmedung e a Rengedel a Dios a mo okngemedeterir tirke el omtok er a omengederederel a Dios. Me a nglunguuch el olengit er a Rengedel a Dios me lemei a ongit me bo el sebechel ngii el kabelment er a Dios el mo mtechei a rokui el kabelment er a klechad.—Monguiu er a Daniel 7:13, 14; Ocholt 11:15, 18.

Ngera me a Rengedel a Dios a mo uchul a klungiolir a rechad?

A Jesus a kmal rredemelel a mo King e le ngchubechubechad. Me ngii el Ngelekel a Dios a uchul me ngar er ngii a klisichel el ngosuterir tirke el olengit a ngeso er a Dios.—Monguiu er a Psalm 72:8, 12-14.

A Rengedel a Dios a mo uchul a klungiolir tirke el meluluuch el olengit er ngii e kiei el blekerdelel a klengar er tir a oltirakl a soal a Dios. Ngkmal diak bo mouuchel er a rengum a lsekum ke mesuub aike el tekoi el ledung a Biblia el kirel a Rengedel a Dios.—Monguiu er a Lukas 18:16, 17; Johanes 4:23.

A lsoam a lmuut el omesodel, e momes er a 8 el bliongel er tia el babier, Ngerang Mera el Lolisechakl a Biblia?, el mirruul er a Resioning er a Jehovah

Ngdirrek el ngar er ngii er a www.jw.org