Ngerang Mesaod A Biblia?

A Dios nguchul a ringel?

Ke mo onger el kmo

• Chochoi

• Ngdiak

• Nglocha uaisei

A lolekoi a Biblia

“A Olab a Bek el Klisiich el Dios a diak loruul a mekngit.” (Job 34:12) A Dios a kmal diak el uchul a mekngit me a ringel el domes er tia el beluulechad.

Ngera lmuut el bebil el desuub er a Biblia?

• A Satan el Diabelong, el “merreder er tial beluulchad” a uchul a ringel.​—Johanes 14:30.

• A ringel me a mekngit el tekoi a dirrek el mo er ngii e le ngmekngit el omelilt er a rechad a uchul.​—Jakobus 1:14, 15.

Ngsebechel el mo diak a ringel?

A rebebil a oumerang el kmo ngsebechel el mo diak a ringel el okiu a urerir a rechad, e a rekuk bebil a omdasu el kmo ngdiak el sebechel el mo ungil a blekeradel er tia el beluulechad. Ngera uldesuem?

A lolekoi a Biblia

A Dios a mo torob a ringel. “Ng dikea lluut el mor ngii a kodall, e mo diak a klengiterreng, ma langel, ma ringel.”​—Ocholt 21:3, 4.

Ngera lmuut el bebil el desuub er a Biblia?

• A Dios a mo ousbech er a Jesus el mo torob a ringel el mlo er ngii el Diabelong a uchul.​—1 Johanes 3:8.

• A rungil chad a mo kiei el ngar er a budech er tia el beluulechad el mo cherechar.​—Psalm 37:9-11, 29.