“Tiang a Mle Kot el Ungil Sengk el Bla Knguu”

Aikang a tekingel a ta el 13 a rekil el ngalek el redil er sera lenguu a chermel el bilis el mle sengk el mo er ngii. A merael chisel el redil el chad er a siobai a dilu el kmo a demal a milsa computer er ngii er sera dirk lengar a high school, e tia el sengk a kmal ngildechii a rolel a klengar er ngii. A dirk mlo bechiil el chad a melatk er sel kot el anniversary card er a bechil redil el mo er ngii el kmo ngkot el ungil sengk el lengiluu.

A bek el rak, e a rebetok el chad a mengoit a taem el osiik a “kot lungil” el sengk el mora resechelirir me a lechub a rechederir el kirel a ileakl el sils. E a oumesingd er a rechad a sorir el remenges a tekoi el uaike el mildung er a uchei. E kau a kuk mekerang? Ngsoam el dirrek el msang a sengk a chad, me a lechub e ke nguu a sengk e mera el oba omereng el saul el kirel?

Tia el blekeradel a kot lungil, e le ngdiak di lengar er ngii a lerellii er a uldesuel ngike el ngiluu a sengk, e ngdirrek el kmal klou a lerellii er a uldesuel ngike el ulemsang a sengk. E a Biblia mesaod el kmo: “Ng bai klou el deurreng a dorous er a dolai.” (Rellir 20:35) Me ngbleketakl el kmo, a deurreng el mo er ngii lokiu a omerous a dirrek el rullii tia el sengk el mo klou a belkul er a uldesuel ngike el ngiluu.  

Me ngoeak a ngera el rolel, e ngsebechem el rullii a rolel a omerous er kau el mo uchul a klou el deurreng er kau, me a dirrek ngike el nguu a sengk el momsang? E ngera sebechem el rullii me bo el sebechel ngike el nguu a sengk er kau el mera mo oba omereng el saul, alta e ngdimlak el sebechem el metik er a “kot lungil” sengk?