Ngak Ak Rredemelel a Mo Omerk er a Klumech?
1. Ngera me ngdiak el kired el omdasu el kmo ngdiak derredemelel a omerk er a klumech?
1 A lsekum e ke metik er kau el oker er a chouaisei el ker, e lako bekikl! Ngdiak el skulem me a lechub el decham a rullau el mo rredemelel a omerk er a klumech. A rebebil er a remle kot el disaiplo a lulsaod er tir el kmo te “diak a skulir, el uar di chad.” Nguaisei engdi, te mle ungil el omerk er a ungil el chais e le te mle blak a rengrir el oltirakl er a kerebai el lebilecherei a Jesus.—Rel. 4:13; 1 Pe. 2:21.
2. Ngerang a bebil er a teletelel a osisecheklel a Jesus?
2 Rolel a Osisecheklel a Jesus: A osisecheklel a Jesus a mle beot el bo lodengei a rechad. A keril me a okesiu el luluusbech me a beot el uchelel a cheldechedechal a ullechau a osengir a rullerenges er ngii. (Mt. 6:26) Ngmeral mle semeriair er a rechad. (Mt. 14:14) Me a lmuut el tang, a Jesus a milengedecheduch el oba ulterekokl el reng me a tekingel a mla er ngii a berredel, e le ngmedengei el kmo a Jehovah a ulderchii e milsa klisiich el mo oltaut er a ngerechelel.—Lk. 4:18.
3. Ngmekerang a Jehovah a lolengeseu er kid el mo churrengelii a omesiunged?
3 A Jehovah a Olengeseu er Kid: Ngoeak a Tekingel me a cheldebechelel, e Ngike el Kot el Ngar er a Bab el Sensei a omeskid a ulekrael el dousbech el mo ungil el omerk er a ungil el chais. (Isa. 54:13) A Jehovah a milechei a llechukl el chisel a rolel a osisecheklel a Jesus me ngsebeched el merritel e mo oltirakl. Ngmeskid a chedaol el reng er ngii e olisechakl er kid el okiu a miting er a ongdibel. (Jn. 14:26) Ngdirrek el meskid a rechad, el meketeketang el omerk er a klumech me ngmla mo klou a duch er tir, el olengeseu er kid el mo ungil el omerk er a klumech.
4. Ngera me ngngar er ngii a ungil el uchul e kede melechesuar el kmo kede rredemelel a omerk er a ungil el chais el mo er a rebebil?
4 Ngar er ngii a kmal ungil el uchul e kede melechesuar el kmo kede rredemelel a omerk er a klumech, e le ‘chouaisel duch er kid a ngara Dios el mei.’ (2 Ko. 3:5) A dultuil er a Jehovah el blak a rengud el ungil el ousbech aike el lomeskid, e ngmo ‘smiich a kedmekled el kirel a ungil lurreor, me le mekedmokl el mecherrungel.’—2 Ti. 3:17.