A Ungil el Rolel e Kede Oldeu a Rengud er a Chelitakl er a Renged

A remesiungel a Dios a omes a chelitakl el ua ungil el sengk el mla er a Jehovah. (Jak. 1:​17) A betok el ongdibel a kmal dmeu a rengrir el orrael a Chelitakl er a Renged er a uchei me a uriul er a miting er tir. Ngmo uchul a deuil a rengud sel lorrael aika el ongngak sel debo er a miting. Ngdirrek el ngosukid el mo kltmokl a uldesued el kirel a omengull er kid. Me a lmuut el tang, sel dorrael a ongngak er aika el beches el chelitakl e ngngosukid el mo medengei me kede mo meduch el mengitakl. Me sel lorrael er a uriul er a miting, e ngrullii a eltel a ongdibel el mo uchul a deurreng me a omelisiich er a delongeled. A bek el cheldellir a remechuodel a kirir el oterekeklii a rolel el mo orrael aike el ongngak el ngar er sel Sing to Jehovah​—Piano Accompaniment er a uchei me a uriul er a miting. Ngkirir el mo kerekikl er a klungel a ngerel a ongngak, me lak lerellii el mo meringel er a rechad el chadecheduch.