Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a Ongedei el Buil

“A rebebil er a rechad a oumerang el kmo a Biblia a babier er a ulaoch el sebeched el oumerang er ngii. A rekuk bebil a omdasu el kmo a ulaoch el ngar er a chelsel a diak el bleketakl e betok a kakerous el omesodel. Ngera uldesuem?” Morrenges er a nger er ngii. E mochotii a February 1 el Ongkerongel, e mdak el mesaod er a suobel el ngar cheungel sel kot el dai el ngar er a 11 el llel me a ta er a bades. E bsang a makesin e mketmeklii a temem el lmuut el mo oldingel er ngii el mo mesaod er a ongingil el ker.

A Ongkerongel February 2012

“Ngsebeched el suub a betok el tekoi er tirke el sechal me a redil er a irechar. Kau ke kongei er tiang? [Morrenges er a nger er ngii.] Tia el bades a melekoi el kirel a ta el ungil el chad, el di mle ngii el tang a okedongall el ‘sechelil a Dios’ el ngar er a Biblia. [Monguiu er a Jakobus 2:​23.] Tia el makesin a ouchais er a uchul me a Dios a ulemes er ngii el kmo ngsechelil e mesaod aike el sebeched el suub er a kerebil a Abraham.”

A Ongkerongel February 2012

“Ngera sebechel el ngosuir a bechiil el redil el mo ungil a chebechiielel? [Morrenges er a nger er ngii.] Ka momtab el kmo ngmekerang a Tekingel a Dios a longer er tia el ker. [Monguiu er a 1 Petrus 3:​3, 4.] Ngar er a Biblia, e ngsebeched el mesuub el kirel a Sara el ngii a ullab aikaikid el ungil el blekeradel. Tia el makesin a mesaod er a rolel a rebechiil el redil a losuub er a kerebil a Sara er chelechang.” Mochotii sel suobel el ngar er a 7 el llel.