Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a Ongeua el Buil

“Omomdasu e a Dios ngngar er ngii a cheldebechelel er chelecha el taem, me a lechub e ngdi merruul a tekoi el ousbech er a rederta el chad? [Morrenges er a nger er ngii.] Ka momtab aike el lolekoi tia el babier el kirel a cheldellir a rechad el lulengudel er tir a Dios er a betok el rak er a mla me mong.” Momiis el mo er a 30 el llel a March 1 el A Ongkerongel, e mdak el mesaod er a suobel el ngar cheungel sel kot el dai me a ta er a bades. Bsang a makesin e mketmeklii a taem el sebechem el lmuut el mong e mosaod er a ongingil el ker.

A Ongkerongel March 2012

“A Armageddon a tekoi el leblechoel el losaod er ngii a rechad er aika el dirk mlo merek el rak. Omomdasu e a rechad ngngar er ngii a sebechir el rullii el mo torebengii a Armageddon me lak lebo er ngii? [Morrenges er a nger er ngii.] Tiakid a lemlengai er ngii a tekoi el ‘Armageddon.’ [Monguiu er a Chocholt 16:16. E mochotii a ikrel tia el makesin.] Tia el makesin a meskid a nger er a Biblia el kirel aika el ker.”

A Ongkerongel March 2012

“A rebetok el chad a suebek a rengrir el kirel a Armageddon. Te mla rongesterir a remengeteklel a beluu el lousbech er tia el tekoi el mesaod el kirel a mekemad el mo er ngii el lousbech a meklou el dub. A omomdasu e ngngera belkul a Armageddon el kirir a rechad? [Morrenges er a nger er ngii.] A mera er ngii, e a tekoi el Armageddon a mlengai er a Biblia, e kmal ngodech a belkul er sel leblechoel el lousbech er ngii a rechad. [Monguiu er a Chocholt 16:​14, 16.] A Biblia a dirrek el olecholt el kmo ngngar er ngii a tekoi el sebechel a derta er kid el meruul me bo desobel. Sei a uchul me tirke el mirruul er tia el babier a mengelechel er kid el mo meruul a tekoi el ngar er a 9 el llel.” Monguiu er sel ulebongel el parakurab.