Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a Ongelolem el Buil

“A techolb a tekoi el leblechoel el loruul er ngii a Rekristiano. Ngera uldesuem el kirel tiang? A techolb ngklou a ultutelel? [Morrenges er a nger er ngii.] Tia el suobel a mesaod a bebil el meklou a belkul el tekoi.” Bsang a chad er a blai a May 1 el Ongkerongel, e mdak el mesaod er a suobel el ngar er a cheungel a kot el dai er a 10 el llel me a ta er a bades. Bsang a makesin e mketmeklii a taem el mluut el mong e mosaod er a ongingil el ker.

A Ongkerongel May 2012

“Ngngar er ngii a betok el ikelesia me a klechelid el kakerous a klaumerang er tir me a tekoi el loruul. A omomdasu e a rokui el chad el melekoi el kmo te Kristiano te mera el Kristiano? [Morrenges er a nger er ngii.] A doltirakl a tekingel a Jesus, e tiang a ta er a olengchelir a remera el Kristiano. [Monguiu er a Johanes 13:​34, 35.] Tia el babier a mesaod a eim el tekingel a Jesus el mo ngosukid el dongcheterir tirke el mera el oltirakl er ngii.”

Omuchel a Omesubel a Biblia el Ousbech er a Tract el Kau Ngsoam el Mo Medengelii a Klemerang?

Bsang a chad er a blai a tract el Kau Ngsoam el Mo Medengelii a Klemerang? e mocholt aike el ker el ngar er medal. E a uriul e mdu el kmo: “Aikakid a bebil er a ker el omeksemeriar er kid, el Biblia meskid a kmal ungil el nger er ngii. Ngmla ta el moker aika el ker? Uriul er a louchais er a uldesuel, e mdak el omes er a nger er a keril er tia el babier, e mchiuii a ta er aike el mocholt el bades. Mketmeklii a taem el mluut el mong el mo mesaod er a kuk ta er a ker el ngar er tia el tract.