A Rengeasek a Oker​—Ak Mo Mekerang er a Klengar er Ngak? (Part 1)

A rengeasek sel lebo el meklou el chad, e ngkirir el melib a meklou a ultutelel el tekoi. A video el Young People Ask​—What Will I Do With My Life? a mileketmokl el mo olengeseu er tir. Sel lomuchel a DVD, e betir a Play Drama, e mosiik a nger er aike el ker el ngar er a parakurab 2. E a uriul, e betir a Interviews el ngar er a main menu e sola e betir a Looking Back, e molasem el onger aike el ker el ngar er a parakurab 3.

A Drama: (1) Ngmekerang a blekerdelel a klengar er a Timothy e osisiu el uai a rebetok el ngeasek el Kristiano er chelechang? (2) Ngmilekerang a Andre e mlorimel el mo ungil el chad er a klekool? (3) Ngerang dilung a Brother Fleissig el mo er a Andre el kirel (a) a blakerreng el mo er a Jehovah me a sports? (Mt. 6:24) (b) a uchul a mera el deurreng? (c) a belkul a blatingel el luluusbech er ngii er a lengar er a kelebus? (d) tirke el chad el ngar sel siasing el obengkel ngii me a bechil? (e) a lsekum e nguluuchel a rengul e le ngildechii a turrekong er ngii? (Fil. 3:8) (4) Ngmilekerang a mamang er a Andre er a longer er a keril el kmo, “Ngmekngit el tekoi a lsoak el mo merael a chisek el chad er a rurt?” (Lk. 4:5-7) (5) A Andre ngmera el mlo dmeu a rengul er a bo el kats er a rurt? (6) Ngera kmal soam er a ulebongel el babilengel a Brother Fleissig el mo er a Andre? (Osi. 10:22) (7) A Brother Fleissig ngilsuir a Andre el mo medengelii a ngera el tekoi?

Sel Omomes el Beduluriul: (8) Ngera el ureor a lulsiik er ngii ngike el odam me a odos, e ngera uchul? (9) Ngera el ungil el tekoi a dilubech el mo er tir? (10) Ngera sel tekoi el mlo uchul e te ngildechii a klengar er tir? (2 Ko. 5:15) (11) Ngera el rolel a omesiou el mo er a Jehovah a ulemtechei aike el di mla urerir, e ngera uchul me te ulemdasu el kmo ngdimlak el sebechir el remuul el teblong? (12) Te mlo ouuchel a rengrir er sera lemengodech a osengir el kirel a klengar er tir? (13) Ngera el tekoi a ledillii el rullau el mo omdasu el kirel a klengar er kau?

Momes aike el bebil er a interview me a supplementary material, e mketmokl a nger er kau el bo dosaod er a ongingil el Miting el kirel a Berkel a Klumech.